വാസ്‌ക്കോ: ഹീറോ ഐ ലീഗില്‍ ചര്‍ച്ചില്‍ ബ്രദേഴ്‌സിന് ജയം. തിലക് സ്റ്റേഡിയത്തില്‍ നടന്ന മത്സരത്തില്‍ ഡിഎസ്‌കെ ശിവാജിയന്‍സിനെയാണ് എതിരില്ലാത്ത് മൂന്ന് ഗോളുകള്‍ക്ക് ചര്‍ച്ചില്‍ കെട്ടുകെട്ടിച്ചത്.
ആദ്യ പകുതി വരെ വിരസമായിരുന്ന കളി രണ്ടാം പകുതിയില്‍ ചര്‍ച്ചില്‍ വരുതിയിലാക്കുകയായിരുന്നു. 57ാം മിനുറ്റില്‍ അന്‍സുമാന ക്രോമ, 64ാം മിനുറ്റില്‍ ആന്റണി വോള്‍ഫെ, രണ്ടാം പകുതിയുടെ ഇഞ്ചുറി ടൈമില്‍ (94) സുറാബുദ്ധീന്‍ മൊല്ലിക് എന്നിവരാണ് ചര്‍ച്ചിലിന് വേണ്ടി ലക്ഷ്യം കണ്ടത്.
ഇതോടെ 11 കളികളില്‍ നിന്ന് ഒന്‍പത് പോയിന്റുമായി ഐ ലീഗ് പോയിന്റ് പട്ടികയില്‍ ചര്‍ച്ചിലിന്റെ സ്ഥാനം എട്ടിലെത്തി. സന്ദര്‍ശനത്തിയ ശിവാജിയന്സ് ലീഗില്‍ ആറാം സ്ഥാനത്താണ്. 11 കളികളില്‍ നിന്ന് 10 പോയിന്റാണ് സമ്പാദ്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
