ധോനിയുടെ പിന്‍ഗാമിയാണ് താനെന്ന് തെളിയിക്കേണ്ട ഉത്തരവാദിത്വമുണ്ട് യുവതാരം റിഷഭ് പന്തിന്റെ ചുമലില്‍. അതിന് കഠിന പ്രയത്‌നം തന്നെ വേണം. ക്രിക്കറ്റിനെ ഏത് സമയവും ഒപ്പം കൂട്ടണം. വിട്ടുവീഴ്ചയില്ലാതെ കഠിനാധ്വാനം ചെയ്യുകയാണെന്ന് വ്യക്തമാക്കുന്ന വീഡിയോയാണ് റിഷഭ് പന്ത് ആരാധകരുമായി പങ്കുവെച്ചത്. ഹോട്ടല്‍ കൊറിഡോറിലും ക്രിക്കറ്റ് പരിശീലനം.
വിക്കറ്റ് കീപ്പിങ് ഗ്ലൗസ് അണിഞ്ഞ് നില്‍ക്കുന്ന പന്തിലേക്ക് കുല്‍ദീപിന്റെ ഡെലിവറിയാണ് വീഡിയോയില്‍ കാണുന്നത്. ഹോട്ടല്‍ കൊറിഡോറില്‍ ചവിട്ടിക്ക് മുകളിലാണ് എറിയുന്നത് എങ്കിലും ഷാര്‍പ്പ് ടേണാണ് കുല്‍ദീപില്‍ നിന്നും വന്നത്.
എവിടെ? എപ്പോള്‍? എന്ത്? ആര്? ക്ഷമിക്കണം, എനിക്ക് ''എങ്ങനെ'' എന്ന് മാത്രമേ അറിയുകയുള്ളു എന്ന തലക്കെട്ടോടെയാണ് പന്ത് വീഡിയോ ഷെയര്‍ ചെയ്തിരിക്കുന്നത്. ട്വന്റി20 പരമ്പരയില്‍ ആദ്യ രണ്ട് ഏകദിനത്തില്‍ പന്ത് പരാജയപ്പെട്ടിരുന്നു. അനാവശ്യ ഷോട്ടുകള്‍ കളിച്ച് പന്ത് വിക്കറ്റ് കളയുകയായിരുന്നു. എന്നാല്‍ അവസാന ട്വന്റി20യില്‍ കോഹ് ലിയുമായി ചേര്‍ന്ന് സെഞ്ചുറി കൂട്ടുകെട്ട് തീര്‍ത്ത് പന്ത് ഇന്ത്യയെ അനായാസ ജയത്തിലേക്ക് എത്തിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
