എവര്‍ട്ടനെതിരെ പ്രീമിയര്‍ ലീഗില്‍ നേടിയ ഗോളാണ് സലയ്ക്ക് ഫിഫയുടെ മികച്ച ഗോളിനുള്ള പുഷ്‌കാസ് അവാര്‍ഡ് നേടിക്കൊടുത്തത്. പ്രഖ്യാപനം വന്നതിന് പിന്നാലെ പുഷ്‌കാസ് പുരസ്‌കാരം ലഭിച്ച ഗോളിനേക്കാള്‍ മികച്ച സലയുടെ തന്നെ ഗോളുകളിലേക്ക് വിരല്‍ചൂണ്ടുകയാണ് ആരാധകര്‍.
ക്രിസ്റ്റിയാനോ, ബെയില്‍, മക്ഗ്രീ എന്നിവരുടെ ഗോളുകള്‍ എവിടെ എന്ന
ആരാധകരുടെ ചോദ്യങ്ങള്‍ക്കും മറുപടിയില്ല. പ്രീമിയര്‍ ലീഗിലെ ഗോള്‍ ഓഫ് ദി മന്തില്‍ പരാജയപ്പെട്ട സലയുടെ ഗോളാണ് ഈ വര്‍ഷത്തെ മികച്ച ഗോളായി ഫിഫ തിരഞ്ഞെടുത്തത്.
2017-18ല്‍ സല അടിച്ചു കൂട്ടിയ ഗോളുകളില്‍ നിരവധിയുണ്ട് ഇതിനേക്കാള്‍ മികച്ചതായി. ആരാധകരുടെ അഭിപ്രായത്തോട് ചേര്‍ന്ന് നില്‍ക്കുന്ന പ്രതികരണവുമായിട്ടായിരുന്നു ലിവര്‍പൂളിലെ സലയുടെ സഹതാരങ്ങളും എത്തിയത്. കഴിഞ്ഞ സീസണിലെ നിങ്ങളുടെ ഏഴാമത്തെ മികച്ച ഗോള്‍ ഈ വര്‍ഷത്തെ മികച്ച ഗോളായി തിരഞ്ഞെടുത്തതില്‍ അഭിനന്ദനങ്ങള്‍ എന്നായിരുന്നു ജെയിംസ് മില്‍നറുടെ ട്വീറ്റ്.
ഫിഫ പുരസ്‌കാരം നേടിയതിനേക്കാള്‍ സലയുടെ ബൂട്ടില്‍ നിന്നും പിറന്ന മികച്ച ഗോളുകള്‍...
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
