ചെന്നൈ: കേരള ബ്ലാസ്റ്റേഴ്സിന്റെ മലയാളി മുന്നേറ്റ താരമായിരുന്ന സികെ വിനീത് നിലവിലെ ചാംപ്യൻമാരായ ചെന്നൈയിൻ എഫ്സിയിൽ. വിനീത് ചെന്നൈയിൻ എഫ്സിയുമായി കരാറിലെത്തി. അതേസമയം ബ്ലാസ്റ്റേഴ്സിന്റെ പ്രതിരോധ താരങ്ങളായ നായകൻ സന്ദേശ് ജിങ്കൻ, മലയാളി താരം അനസ് എടത്തൊടിക എന്നിവർ ഈ സീസൺ കഴിയും വരെ ടീമിൽ തുടരും. നേരത്തെ വിനീതിനൊപ്പം ഇരു താരങ്ങളും ബ്ലാസ്റ്റേഴ്സ് വിട്ടേക്കുമെന്ന് വാർത്തകളുണ്ടായിരുന്നു.
ബ്ലാസ്റ്റേഴ്സിന്റെ മുന്നേറ്റങ്ങളിലെ കരുത്തായിരുന്നു വിനീത്. എന്നാൽ ഈ സീസണിൽ താരത്തിന് മികവ് നിലനിർത്താൻ സാധിച്ചിരുന്നില്ല. ഒപ്പം തന്നെ ആരാധകരുമായുള്ള തർക്കങ്ങളും മറ്റും താരത്തെ ടീം വിടാൻ പ്രേരിപ്പിക്കുകയായിരുന്നു. നേരത്തെ തന്നെ വിനീത് ചെന്നൈയിനിലേക്കാണെന്ന സൂചനകളുണ്ടായിരുന്നു. ഈ മാസം 24ന് ചെന്നൈയിൻ ഔദ്യോഗികമായി വിനീതുമായി കരാറിലെത്തിയ കാര്യം പ്രഖ്യാപിക്കും.
സീസണിലെ മോശം പ്രകടനത്തെ തുടർന്ന് പരിശീലകനായിരുന്ന ഡേവിഡ് ജെയിംസിനെ പുറത്താക്കി ബ്ലാസ്റ്റേഴ്സ് ശേഷിക്കുന്ന മത്സരങ്ങളിൽ തിരിച്ചുവരാനുളള ഒരുക്കത്തിലാണ്. ഡേവിഡ് ജെയിംസിന് പതരം നെലൊ വിൻഗഡയെ പരിശീലകനായി ബ്ലാസ്റ്റേഴ്സ് നിയമിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
