കൊച്ചി : കേരള ബ്ലാസ്‌റ്റേഴ്‌സിന്റെ മുന്നേറ്റനിര താരം മാര്‍ക് സിഫ്‌നിയോസ് മഞ്ഞപ്പടയില്‍ നിന്നും വിട്ടു. ഹോളണ്ട് താരമായ സിഫ്‌നിയോസ്. ഹോളണ്ട് ദേശീയ ടീമില്‍ കളിക്കുന്നതിന് വേണ്ടിയാണ് സിഫ്‌നിയോസ് നാട്ടിലേക്ക് മടങ്ങുന്നതെന്നാണ് സൂചന.
ഈ സീസണില്‍ ബ്ലാസ്റ്റേഴ്സ് നിരയിലെത്തിയ സിഫ്‌നിയോസ് മികച്ച പ്രകടനമാണ് കാഴ്ചവെച്ചത്. മഞ്ഞപ്പടയുടെ ആദ്യ ഗോള്‍ നേടിയ സിഫ്‌നിയോസ്, സീസണില്‍ ഇതുവരെ ബ്ലാസ്‌റ്റേഴ്‌സിനായി നാലു ഗോളുകള്‍ നേടിയിട്ടുണ്ട്. നാട്ടിലേക്ക് മടങ്ങുന്ന മാര്‍ക് സിഫ്‌നിയോസിന്റെ സംഭാവനകള്‍ക്ക് നന്ദിയുണ്ടെന്ന് കേരള ബ്ലാസ്റ്റേഴ്സ് മാനേജ്‌മെന്റ് അറിയിച്ചു.
നേരത്തെ ബ്ലാസ്റ്റേഴ്സ് മാര്‍ക്വീ താരം ദിമിതര്‍ ബെര്‍ബറ്റോവിനെ മഞ്ഞപ്പട ഒഴിവാക്കാന്‍ ആലോചിക്കുന്നതായി റിപ്പോര്‍ട്ടുകള്‍ പുറത്തുവന്നിരുന്നു. പരിക്ക് മൂലം വലയുന്ന ബെര്‍ബറ്റോവിന് പകരം വിദേശ താരത്തെ കണ്ടെത്താനുള്ള ശ്രമത്തിലാണ് മാനേജ്‌മെന്റ് എന്നാണ് റിപ്പോര്‍ട്ട്. ഇതിനിടെയാണ് മുന്നേറ്റത്തില്‍ ബ്ലാസ്റ്റേഴ്സ് കുതിപ്പിന് ചുക്കാന്‍ പിടിച്ചിരുന്ന സിഫ്‌നിയോസും ടീം വിടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
