കറികള്‍ക്ക് രുചി കൂട്ടാനും ബ്രെഡിനൊപ്പം വെറുതേ തേച്ച് കഴിക്കാനുമൊക്കെ പതിവായി ഉപയോഗിക്കുന്ന ഒന്നാണ് ബട്ടര്‍. പക്ഷെ ബട്ടര്‍ സൂക്ഷിക്കുന്നത് അത്ര എളുപ്പമുള്ള കാര്യവുമല്ല. അധികനേരം പുറത്തുവച്ചാല്‍ ബട്ടര്‍ പെട്ടെന്ന് കേടാകുകയും രുചിയും മണവുമൊക്കെ മോശമാക്കുകയും ചെയ്യും. ബട്ടര്‍ കൂടുതല്‍ സമയം ഫ്രെഷ് ആയി സൂക്ഷിക്കണമെങ്കില്‍ ചെയ്യാവുന്ന അഞ്ച് കാര്യങ്ങള്‍.
ഫ്രിഡ്ജില്‍ സൂക്ഷിക്കാം
ബട്ടര്‍ ഫ്രിഡ്ജില്‍ സൂക്ഷിക്കുന്നതാണ് ഏറ്റവും എളുപ്പമാര്‍ഗ്ഗം. പക്ഷെ പലരും ഇങ്ങനെ ചെയ്യാതെ ഉപയോഗശേഷവും ബട്ടര്‍ ദീര്‍ഘനേരം പുറത്തുവയ്ക്കും. ഇത് ബട്ടറിന്റെ നിറം ഉള്‍പ്പെടെ മാറാന്‍ കാരണമാകും.
നേരിട്ട് സൂര്യപ്രകാശം ഏല്‍ക്കരുത്
ഫ്രഷ് ബട്ടറിനെ അപേക്ഷിച്ച് സോള്‍ട്ടഡ് ബട്ടര്‍ കുറച്ചുകൂടി ദിവസം കേടുകൂടാതെ ഇരിക്കും. ബട്ടര്‍ ഫ്രിഡ്ജില്‍ വച്ചില്ലെങ്കില്‍ പോലും നേരിട്ട് സൂര്യപ്രകാശം ഏല്‍ക്കുന്ന സ്ഥലത്തല്ലെന്ന് ഉറപ്പാക്കണം.
അലൂമിനിയം ഫോയില്‍ വേണ്ട
അലൂമിനിയം ഫോയില്‍ ഉപയോഗിച്ച് പൊതിഞ്ഞ് ബട്ടര്‍ സൂക്ഷിക്കുന്നത് നല്ലതാണെന്നാണ് പലരും കരുതുന്നത്. എന്നാല്‍ അലൂമിനിയം ഫോയില്‍ ഓക്‌സിഡേഷന്‍ പ്രക്രിയയെ വേഗത്തിലാക്കുകയും ബട്ടര്‍ പെട്ടെന്ന് കേടാകാന്‍ കാരണമാകുകയും ചെയ്യും.
എയര്‍ടൈറ്റ് പാത്രങ്ങള്‍
ബട്ടര്‍ സൂക്ഷിക്കാന്‍ ഏറ്റവും നല്ലതാണ് എയര്‍ടൈറ്റ് ആയിട്ടുള്ള പാത്രങ്ങള്‍. ഇത് ചൂട്, സൂര്യപ്രകാശം എന്നിവയില്‍ നിന്ന് ബട്ടറിനെ സംരക്ഷിക്കും.
ബട്ടര്‍ പേപ്പര്‍ കളയരുത്
ബട്ടറിനൊപ്പം കിട്ടുന്ന ബട്ടര്‍ പേപ്പര്‍ കളയാതിരിക്കുന്നതാണ് ബുദ്ധി. ഇത് ബട്ടറിന്റെ രുചി നിലനിര്‍ത്താനും പാത്രത്തില്‍ സൂക്ഷിക്കുന്നതിനേക്കാള്‍ കൂടുതല്‍ കാലം കേടുകൂടാതെ സൂക്ഷിക്കാനും സഹായിക്കും.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
