ജങ്ക് ഫു‌ഡ് പ്രിയരാണോ?, ആഴത്തിലുള്ള ഉറക്കം കിട്ടില്ലെന്ന് പഠനം

അനാരോ​ഗ്യകരമായ ഭക്ഷണശീലം ആഴത്തിലുള്ള ഉറക്കത്തെ ബാധിക്കുമെന്ന് പഠനം. ജങ്ക് ഭക്ഷണങ്ങൾ ആഴത്തിലുള്ള ഉറക്കത്തിന്റെ ​ഗുണനിലവാരം കുറയ്ക്കുമെന്നാണ് പഠനത്തിലെ കണ്ടെത്തൽ. അനാരോ​ഗ്യകരമായ ഭക്ഷണം കഴിച്ചാൽ പിറ്റേദിവസം രാത്രിയും ഇതിന്റെ സ്വാധീനം ഉണ്ടാകുമെന്നും ​ഗവേഷകർ കണ്ടെത്തി.

ഉറക്കത്തിൽ ഏറ്റവും നിർണ്ണായകമാണ് മൂന്നാം ഘട്ടമായ ഡീപ്പ് സ്ലീപ്പ്. ഇത് ഓർമ്മശക്തി, പേശികളുടെ വളർച്ച, പ്രതിരോധശേഷി തുടങ്ങിയ അവശ്യപ്രവർത്തനങ്ങൾക്ക് അത്യന്താപേക്ഷിതമാണ്. 

സ്വീഡനിലെ ഉപ്‌സാല സർവകലാശാലയിലെ ഗവേഷകരാണ് ജങ്ക് ഫുഡ് ഉറക്കത്തെ എങ്ങനെ ബാധിക്കുന്നുവെന്ന് കണ്ടെത്താൻ പഠനം നടത്തിയത്. ആരോ​ഗ്യകരമായ ഭക്ഷണവും അനാരോ​ഗ്യകരമായ ഭക്ഷണവും നൽകിയാണ് പടനത്തിൽ പങ്കെടുത്തവരെ ഇവർ നിരീക്ഷിച്ചത്. ഉയർന്ന പഞ്ചസാരയുടെ അളവും പൂരിത കൊഴുപ്പും സംസ്കരിച്ച ഭക്ഷണ വസ്തുക്കളും അടങ്ങിയ ഡയറ്റാണ് അനാരോ​ഗ്യകരമായ ഭക്ഷണവിഭാ​ഗത്തിലുള്ളവർക്ക് നൽകിയത്. ആരോ​ഗ്യകരമായ ഭക്ഷണം കഴിച്ചവരുമായി താരതമ്യം ചെയ്യുമ്പോൾ ജങ്ക് ഭക്ഷണം കഴിച്ചവരുടെ ആഴത്തിലുള്ള ഉറക്കം തടസ്സപ്പെട്ടെന്നാണ് പഠനത്തിൽ കണ്ടെത്തിയത്. ഇരുകൂട്ടരെയും ഒരാഴ്ച്ചയോളം നിരീക്ഷിച്ചാണ് ഉറക്കരീതികൾ അവലോകനം ചെയ്തത്. 

ഈ വാര്‍ത്ത കൂടി വായിക്കൂ 

പഞ്ചസാരയേക്കാള്‍ നല്ലത് തേന്‍, എട്ട് കാരണങ്ങള്‍ ഇതാ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ