ന്യൂഡല്‍ഹി: പ്രമുഖ വാഹന നിര്‍മ്മാതാക്കളായ ഹീറോ മോട്ടോകോര്‍പ്പ് ഗ്ലാമര്‍ മോഡലിന്റെ 2024 പതിപ്പ് പുറത്തിറക്കി. ശ്രദ്ധേയമായ ചില മാറ്റങ്ങളോടെയാണ് ബൈക്ക് വിപണിയില്‍ അവതരിപ്പിച്ചത്. പ്രധാനപ്പെട്ട അഞ്ചു സവിശേഷതകള്‍ ചുവടെ:
ബോഡി വര്‍ക്കിന്റെ കാര്യത്തില്‍ കഴിഞ്ഞ വര്‍ഷത്തെ മോഡലിന് സമാനമാണ് 2024 ഗ്ലാമറിന്റെ രൂപകല്‍പ്പന. ഹെഡ്ലൈറ്റ് കൗള്‍, ഫ്യൂവല്‍ ടാങ്ക്, സൈഡ് ആന്‍ഡ് ടെയില്‍ പാനലും മുന്‍പത്ത മോഡലിന് സമാനമാണ്. നിറത്തില്‍ മാത്രമാണ് മാറ്റം. മോട്ടോര്‍സൈക്കിളിന്റെ രൂപഭാവം ഒരു പരിധിവരെ ഉയര്‍ത്താന്‍ ഇത് വഴി സാധിച്ചിട്ടുണ്ടെന്നാണ് കമ്പനിയുടെ അവകാശവാദം.
7,500 ആര്‍പിഎമ്മില്‍ 10.72 ബിഎച്ച്പിയും 6,000 ആര്‍പിഎമ്മില്‍ 10.6 എന്‍എമ്മും നല്‍കുന്ന 124.7 സിസി, സിംഗിള്‍ സിലിണ്ടര്‍, എയര്‍ കൂള്‍ഡ് എന്‍ജിനാണ് പുതിയ ഹീറോ ഗ്ലാമറിന് കരുത്തേകുന്നത്. അഞ്ച് സ്പീഡ് ഗിയര്‍ബോക്‌സുമായി ചേര്‍ന്നാണ് എന്‍ജിന്‍ ക്രമീകരിച്ചിരിക്കുന്നത്.
ടെലിസ്‌കോപ്പിക് ഫോര്‍ക്കും ഡ്യുവല്‍ റിയര്‍ ഷോക്ക് അബ്സോര്‍ബറുകളും ഉപയോഗിച്ച് നിര്‍ത്തിയിരിക്കുന്ന ക്രാഡില്‍-ടൈപ്പ് ഷാസിയാണ് ബൈക്കില്‍ ഉപയോഗിച്ചിരിക്കുന്നത്. 17 ഇഞ്ച് വീല്‍ ബേസാണ് ബൈക്കിനുള്ളത്. അടിസ്ഥാന മോഡലില്‍ ഫ്രണ്ട് ആന്‍ഡ് റിയര്‍ ഡ്രം യൂണിറ്റാണ് ബ്രേക്കിങ് സംവിധാനത്തിലുള്ളത്. ടോപ്പ് വേരിയന്റിന് മുന്നില്‍ ഡിസ്‌ക് ബ്രേക്കും പിന്നില്‍ ഡ്രം ബ്രേക്കും ലഭിക്കും.
എല്‍ഇഡി ഹെഡ് ലൈറ്റ്, ഡിജിറ്റല്‍ ഇന്‍സ്ട്രുമെന്റേഷന്‍, സ്മാര്‍ട്ട്ഫോണ്‍ ചാര്‍ജിങ് പോര്‍ട്ട്, ഐഡില്‍ സ്റ്റാര്‍ട്ട്-സ്റ്റോപ്പ് സിസ്റ്റം, ഹസാര്‍ഡ് ലൈറ്റ് എന്നിവയാണ് മറ്റു പ്രത്യേകതകള്‍
82,598 രൂപ മുതലാണ് വില. ഡ്രം ബ്രേക്ക് മോഡലിന് 82,598 രൂപ നല്‍കണം. ഡിസ്‌ക് ബ്രേക്കിന് കുറച്ചുംകൂടി വില കൂടും. 86,598 രൂപയാണ് വില.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates