മുംബൈ:  ടെലികോം താരിഫ് രംഗത്ത് മത്സരം മുറുകുന്ന പശ്ചാത്തലത്തില്‍ ആകര്‍ഷണീയമായ പ്ലാനുമായി ഐഡിയ. 75 രൂപയുടെ പ്ലാന്‍ തെരഞ്ഞെടുക്കുന്നവര്‍ക്ക് 300 മിനിറ്റ് വോയ്‌സ് കോളും, ഒരു ജിബി ഡേറ്റയും 100 എസ്എംഎസും സൗജന്യമായി ലഭ്യമാക്കുന്ന പ്ലാനാണ് ഐഡിയ അവതരിപ്പിച്ചിരിക്കുന്നത്. 28 ദിവസം വരെയാണ് ഇതിന്റെ കാലാവധി. സ്വന്തം ഉപയോക്താക്കളെ നിലനിര്‍ത്താനാണ് ആകര്‍ഷണീയമായ പ്ലാന്‍ അവതരിപ്പിക്കാന്‍ ഐഡിയ തീരുമാനിച്ചത്. 

സമാനമായ പ്ലാനുളള റിലയന്‍സ് ജിയോയുമായി മത്സരിക്കാന്‍ ലക്ഷ്യമിട്ടാണ് പുതിയ പ്ലാനുമായി ഐഡിയ രംഗത്തുവന്നത്. 28 ദിവസം കാലാവധിയുളള 98 രൂപയുടെ പ്ലാനാണ് റിലയന്‍സിന്റേതായുളളത്. പരിധിയില്ലാത്ത വോയ്‌സ് കോളും, രണ്ട് ജിബി ഫോര്‍ ജി ഡേറ്റയും 300 എസ്എംഎസുമാണ് ജിയോ പ്ലാന്റിന്റെ പ്രത്യേകത. മറ്റൊരു ടെലികോം കമ്പനിയായ വോഡഫോണിന്  47 രൂപയുടെ സമാനമായ പ്ലാനുണ്ട്.