ഇരുപത്തിയൊന്നാം നൂറ്റാണ്ടില്‍ ഇന്റര്‍നെറ്റിന്റെ സ്പീഡാണ് പലരുടേയും ജീവിതം തന്നെ നിയന്ത്രിക്കുന്നത്. ഇന്റര്‍നെറ്റ് ഇല്ലെങ്കില്‍ നിരാശയിലേക്ക് വീഴുന്ന ഒരുവിഭാഗം തലമുറയും ലോക സമൂഹത്തിലുണ്ട്. അതുകൊണ്ട് തന്നെ ഇന്റര്‍നെറ്റിന്റെ വേഗത വര്‍ധിപ്പിക്കാനുള്ള പരീക്ഷണങ്ങളാണ് ലോകത്തിന്റെ വിവിധ ഭാഗങ്ങളില്‍ നടക്കുന്നത്.
നമ്മളിവിടെ 4ജിയേയും 6ജിയേയും 30Mbps വേഗതയെ കുറിച്ചുമെല്ലാം കണക്കു കൂട്ടുന്നതിനിടെ 42.8 ജിഗാബൈറ്റ്‌സ് വരെ വേഗത നല്‍കുന്ന വൈഫൈ പരീക്ഷിച്ചിരിക്കുകയാണ് നെതര്‍ലാന്‍ഡ്‌സിലെ യെന്തോവന്‍ സര്‍വകലാശാലയിലെ ഗവേഷകര്‍.
നിലവിലുള്ള വൈഫൈയേക്കാള്‍ നൂറ് മടങ്ങ് വേഗതയാണ് ഗവേഷകര്‍ അവകാശപ്പെടുന്നത്. അപകടകരമല്ലാത്ത ഇന്‍ഫ്രാറെഡ് കിരണങ്ങളുപയോഗിച്ചാണ് പുതിയ വൈഫൈ സംവിധാനത്തിലൂടെയുള്ള ഇന്റര്‍നെറ്റിന്റെ വേഗതയില്‍ വിപ്ലവകരമായ മുന്നേറ്റം കൊണ്ടുവന്നിരിക്കുന്നത്.
കൂടുതല്‍ മൊബൈല്‍ ഡിവൈസുകളിലേക്ക് കണക്റ്റ് ചെയ്യുമ്പോള്‍ ഇന്റര്‍നെറ്റിന്റെ വേഗതയെ ബാധിക്കുന്നില്ല എന്ന പ്രത്യേകതയുമുണ്ട്. പുതിയ സാങ്കേതിക വിദ്യയുടെ ഇന്‍ഫ്രാറെഡ് രശ്മികള്‍ ലഭിക്കുന്നിടത്തേക്കെല്ലാം ഇന്റര്‍നെറ്റ് എത്തും. നമുക്ക് വേണ്ട് ഡിവൈസുകളിലേക്ക് പ്രത്യേകം ഷെയര്‍ ചെയ്യേണ്ടതില്ലെന്ന് സാരം.
ആന്റിനകളിലൂടെയാകും ഈ രശ്മികള്‍ കടന്നുപോകുക. 2.5 മീറ്റര്‍ അകലെയിരുന്ന് 42.8 ജിഗാബൈറ്റ്‌സില്‍ പുതിയ സാങ്കേതിക വിദ്യയിലൂടെ ഇന്റര്‍നെറ്റ് ഉപയോഗിക്കാം. നിലവിലുള്ള വൈഫൈയിലൂടെ 300 മെഗാബിറ്റ്‌സിനുള്ളിലുള്ള വേഗതയാണ് ഉപയോക്താക്കള്‍ക്ക് ലഭിക്കുന്നത്.
റേഡിയോ സിഗ്നലുകളിലൂടെ സമീപത്തുള്ള വയര്‍ലെസ് ഡിവൈസുകളുടെ ലൊക്കേഷനുകള്‍ ഈ ആന്റ്‌റിന ഒപ്പിയെടുക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates