ന്യൂഡല്‍ഹി: രാജ്യത്ത് നാളെയും ഇന്ധനവില കൂട്ടും. പെട്രോളിന് 87 പൈസയും ഡീസലിന് 84 പൈസയുമാണ് വര്‍ധിപ്പിക്കുക. ഇതോടെ 16 ദിവസത്തിനിടെ പെട്രോള്‍ വിലയില്‍ ലിറ്ററിന് ഉണ്ടായ വര്‍ധന പത്തുരൂപയായി മാറും. ഡീസലിന് ഒന്‍പത് രൂപയും കടക്കും. 

നാളെയും വില കൂടുന്നതോടെ സംസ്ഥാനത്ത് ഒരു ലിറ്റര്‍ പെട്രോളിന്റെ വില 116 കടക്കും. 103 രൂപയ്ക്ക് മുകളിലാവും ഡീസല്‍ വില. 

ഇന്ന് പെട്രോള്‍ വില തിരുവനന്തപുരത്ത് 115.54 രൂപയാണ്. കൊച്ചിയില്‍ 113.46 രൂപ, കോഴിക്കോട് 113.63 എന്നിങ്ങനെയാണ്. ഡീസല്‍ വില തിരുവനന്തപുരത്ത് 102.26, കൊച്ചിയില്‍ 100.40, കോഴിക്കോട് 100.58 എന്നിങ്ങനെയാണ്. വരും ദിവസങ്ങളിലും ഇന്ധന വില കൂടുമെന്നാണ് കരുതുന്നത്.

ഒരു വാര്‍ത്ത കൂടി

ഭൂമി സംബന്ധിച്ച തര്‍ക്കം; ഇരു സംഘങ്ങള്‍ തമ്മില്‍ ഏറ്റുമുട്ടി; നാല് പേരെ വെടിവച്ച് കൊന്നു