കൊച്ചി: സംസ്ഥാനത്ത് സ്വര്‍ണ വിലയില്‍ വീണ്ടും ഇടിവ്. പവന് 80 രൂപയാണ് ഇന്നു കുറഞ്ഞത്. ഇന്നത്തെ പവന്‍ വില 34,640 രൂപ. ഗ്രാമിന് പത്തു രൂപ കുറഞ്ഞ് 4330ല്‍ എത്തി.

ഈ മാസത്തെ ഏറ്റവും കുറഞ്ഞ വിലയാണ് സ്വര്‍ണത്തിന് ഇന്നു രേഖപ്പെടുത്തിയത്. കഴിഞ്ഞ മൂന്നു ദിവസമായി വില മാറ്റമില്ലാതെ തുടരുകയായിരുന്നു.

പവന് ഈ മാസം ഒരു ഘട്ടത്തില്‍ 35,600 രൂപ വരെ എത്തിയിരുന്നു. പിന്നീട് ഏറിയും കുറഞ്ഞും നിന്ന വില കഴിഞ്ഞ ഏതാനും ദിവസങ്ങളായി ഇടിവിലാണ്.