ന്യൂഡല്‍ഹി: പ്രമുഖ ടെക് കമ്പനിയായ ഗൂഗിളിന്റെ പുതിയ പിക്‌സല്‍ 9 സീരീസ് ഫോണുകള്‍ ഓഗസ്റ്റ് 13ന് ആണ് വിപണിയില്‍ അവതരിപ്പിക്കുന്നത്. ഗൂഗിള്‍ പിക്‌സല്‍ 9 സീരീസില്‍ വാനില പിക്‌സല്‍ 9, പിക്‌സല്‍ 9 പ്രോ, പിക്‌സല്‍ 9 പ്രോ എക്‌സ്എല്‍, പിക്‌സല്‍ 9 പ്രോ ഫോള്‍ഡ് എന്നിവ ഉള്‍പ്പെടുമെന്ന് പ്രതീക്ഷിക്കുന്നു.പുതിയ ഫോണ്‍ സംബന്ധിച്ച കൂടുതല്‍ വിവരങ്ങള്‍ കമ്പനി പുറത്തുവിട്ടിട്ടില്ല.
ഇപ്പോള്‍, യൂറോപ്പില്‍ ഈ ഫോണിന്റെ വിലയുമായി ബന്ധപ്പെട്ട വിശദാംശങ്ങള്‍ പുറത്തുവന്നിട്ടുണ്ട്. സ്റ്റാന്‍ഡേര്‍ഡ് പിക്‌സല്‍ 9 നാല് വ്യത്യസ്ത നിറങ്ങളില്‍ വരുമെന്ന് പ്രതീക്ഷിക്കുന്നു. ഒബ്‌സിഡിയന്‍ (കറുപ്പ്), പോര്‍സലൈന്‍ (വെളുപ്പ്), കോസ്‌മോ (പിങ്ക് കലര്‍ന്ന നിറം), മോജിറ്റോ (ഇളം പച്ച). പിക്‌സല്‍ 9ന് 80,000 രൂപയാണ് വില പ്രതീക്ഷിക്കുന്നത്. 128 ജിബി വേരിയന്റിന് ആണ് ഈ വില വരിക. 256 ജിബി വേരിയന്റിന് വീണ്ടും വില ഉയര്‍ന്നേക്കും. 88,700 രൂപയാണ് കണക്കുകൂട്ടുന്നത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
പിക്‌സല്‍ 9 പ്രോവിന് വീണ്ടും വില ഉയരും. 128 ജിബി വേരിയന്റിന് 97,500, 256 ജിബിക്ക് 1,06,400, 512 ജിബി വേരിയന്റിന് 1,18,000 എന്നിങ്ങനെ വില വരാനാണ് സാധ്യത.
കൂടുതല്‍ വലിപ്പമേറിയ സ്‌ക്രീനോടെ വരുന്ന പിക്‌സല്‍ 9 പ്രോ എക്‌സ്എല്ലിന് വിവിധ സ്‌റ്റോറേജ് വേരിയന്റ് അനുസരിച്ച് 1,06,400 രൂപ മുതല്‍ 1,50000 രൂപ വരെയാണ് വില വരിക. ഒരു ടിബി സ്‌റ്റോറേജ് മോഡലിന് ആണ് ഒന്നരലക്ഷം രൂപ വരെ വില പ്രതീക്ഷിക്കുന്നത്. പ്രീമിയം മോഡല്‍ ആയ പിക്‌സല്‍ 9 പ്രോ ഫോള്‍ഡ് മോഡലിന് 1,68,900 രൂപ മുതല്‍ 1,80,500 രൂപ വരെയാണ് വില പ്രതീക്ഷിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates