ന്യൂഡല്‍ഹി: അടുത്ത സാമ്പത്തിക വര്‍ഷം റവന്യൂ കമ്മി നികത്താന്‍ കേന്ദ്ര സര്‍ക്കാര്‍ 14.13 ലക്ഷം കോടി രൂപ കടമെടുക്കും. കഴിഞ്ഞ വര്‍ഷത്തേക്കാള്‍ കുറവാണിത്.

കഴിഞ്ഞ സാമ്പത്തികക വര്‍ഷം 15.43 ലക്ഷം കോടി രൂപയാണ് സര്‍ക്കാര്‍ കടമെടുത്തത്. എക്കാലത്തെയും ഉയര്‍ന്ന തുകയാണിത്.

ബോണ്ടുകള്‍ വഴിയായിരിക്കും വിപണിയില്‍നിന്നു സര്‍ക്കാര്‍ വായ്പയെടുക്കുകയെന്ന് ധനമന്ത്രി നിര്‍മല സീതാരാമന്‍ പറഞ്ഞു. നികുതി വരുമാനത്തിന്റെ വര്‍ധനയാണ് വരുംവര്‍ഷം കടമെടുപ്പു ലക്ഷ്യം കുറയാന്‍ കാരണം.