ന്യൂഡല്‍ഹി: രാജ്യത്ത് മൊത്തവില സൂചിക അടിസ്ഥാനമാക്കിയുള്ള പണപ്പെരുപ്പനിരക്ക് കുറഞ്ഞു. 21 മാസത്തെ താഴ്ന്ന നിലയിലാണ് പണപ്പെരുപ്പനിരക്ക്. നവംബറില്‍ 5.85 ശതമാനമായാണ് പണപ്പെരുപ്പ നിരക്ക് താഴ്ന്നത്. 

ഒക്ടോബറില്‍ മൊത്തവില സൂചികയെ അടിസ്ഥാനമാക്കിയുള്ള പണപ്പെരുപ്പനിരക്ക് 8.39 ശതമാനമായിരുന്നു. സെപ്റ്റംബറില്‍ രണ്ടക്കത്തിലായിരുന്നു പണപ്പെരുപ്പനിരക്ക്. ഇതാണ് ഗണ്യമായി താഴ്ന്നത്. കഴിഞ്ഞ വര്‍ഷം നവംബറില്‍  രേഖപ്പെടുത്തിയ 14.87 ശതമാനമാണ് അടുത്തകാലത്തെ ഏറ്റവും ഉയര്‍ന്ന പണപ്പെരുപ്പനിരക്ക്. 

ഭക്ഷ്യവസ്തുക്കളുടെ വില താഴ്ന്നതാണ് പണപ്പെരുപ്പനിരക്കില്‍ മുഖ്യമായി പ്രതിഫലിച്ചത്. കൂടാതെ മെറ്റല്‍, വസ്‌ത്രോല്‍പ്പന്നം, രാസവസ്തുക്കള്‍ തുടങ്ങിയവയുടെ വിലയും ഇക്കാലയളവില്‍ താഴ്ന്നിട്ടുണ്ട്. 

ചില്ലറ വില്‍പ്പനയെ അടിസ്ഥാനമാക്കിയുള്ള നവംബറിലെ പണപ്പെരുപ്പനിരക്കും കുറവാണ്. 11 മാസത്തെ താഴ്ന്ന നിലയിലേക്കാണ് പണപ്പെരുപ്പനിരക്ക് എത്തിയിരിക്കുന്നത്. 5.88 ശതമാനമാണ് പണപ്പെരുപ്പനിരക്ക്.

ഈ വാര്‍ത്ത കൂടി വായിക്കൂ 

സ്വര്‍ണവില വീണ്ടും 40,000 കടന്നു; രണ്ടാഴ്ചക്കിടെ വര്‍ധിച്ചത് 1000ലധികം രൂപ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ