ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ ആപ്പിള് പുതിയ മോഡല് സെപ്റ്റംബറില് അവതരിപ്പിച്ചേക്കും. 15 സീരിസില് ഐഫോണ് 15, ഐഫോണ് 15 പ്ലസ്, ഐഫോണ് 15 പ്രോ, ഐഫോണ് 15 പ്രോ മാക്സ് എന്നി നാലു മോഡലുകള് അടുത്തമാസം അവതരിപ്പിക്കാനാണ് ആപ്പിള് ലക്ഷ്യമിടുന്നതെന്നാണ് റിപ്പോര്ട്ടുകള്.
സെപ്റ്റംബര് 13ന് പുതിയ മോഡലുകള് അവതരിപ്പിക്കുമെന്നാണ് വിവരം. യുഎസ്ബി ടൈപ്പ്-സി പോര്ട്ട് പായ്ക്കോട് കൂടിയായിരിക്കും 15 സീരിസ് പുറത്തിറക്കുക എന്നാണ് റിപ്പോര്ട്ടുകള്. എല്ലാ പുതിയ മോഡലുകളിലും ഡൈനാമിക് ഐലന്ഡ് ഫീച്ചര് ഉണ്ടാവുമെന്നും പ്രതീക്ഷിക്കുന്നു. ഐഫോണില് ഗുളിക ആകൃതിയിലാണ് ഈ ഫീച്ചര് ക്രമീകരിച്ചിരിക്കുന്നത്. ക്യാമറ ഹാര്ഡ് വെയറിന് പുറമേ പ്രധാന ഐഫോണ് അലര്ട്ടുകളുടെ ആകൃതി മാറ്റുന്ന ഹബ്ബായും ഇത് പ്രവര്ത്തിക്കും.
നിലവില് ഐഫോണ് 14 പ്രോ മോഡലുകളില് മാത്രമാണ് ഈ സാങ്കേതികവിദ്യ. ഐഫോണ് 15 പ്രോ, ഐഫോണ് 15 പ്രോ മാക്സ് മോഡലുകളില് പുതിയ Apple A17 ബയോണിക് ചിപ്പ് അവതരിപ്പിക്കുമെന്ന് അഭ്യൂഹമുണ്ട്. അതേസമയം, സാധാരണ ഐഫോണ് 15, ഐഫോണ് 15 പ്ലസ് എന്നിവയ്ക്ക് ഐഫോണ് 14 സീരീസിന് കരുത്ത് നല്കുന്ന ആപ്പിള് എ 16 ബയോണിക് ചിപ്പ് അവതരിപ്പിക്കാനും സാധ്യതയുണ്ട്.
ബാറ്ററി ലൈഫ് സേവ് ചെയ്യാനും കൂടുതല് കാര്യക്ഷമതയ്ക്കും സഹായിക്കുന്നതാണ് ബയോണിക് ചിപ്പ്. കഴിഞ്ഞ വര്ഷം സെപ്റ്റംബര് ഏഴിനാണ് ഐഫോണ് 14 സീരിസ് പുറത്തിറക്കിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates