മുംബൈ: ഓഹരി വിപണിയില് പത്തുമുന്നിര കമ്പനികളില് എട്ടെണ്ണത്തിന്റെ വിപണി മൂല്യത്തില് വന്വര്ധന. ഒരാഴ്ചയ്ക്കിടെ ഈ കമ്പനികളുടെ വിപണി മൂല്യത്തില് ഒന്നടങ്കം 4.55 ലക്ഷം കോടിയുടെ വര്ധനയാണ് രേഖപ്പെടുത്തിയത്. റിലയന്സ് ഇന്ഡസ്ട്രീസ് ആണ് ഏറ്റവുമധികം നേട്ടം ഉണ്ടാക്കിയത്.
വെള്ളിയാഴ്ച അവസാനിച്ച ആഴ്ചയില് ബിഎസ്ഇ സെന്സെക്സ് 2857 പോയിന്റ് ആണ് മുന്നേറിയത്. റിലയന്സിന് പുറമേ എച്ച്ഡിഎഫ്സി ബാങ്ക്, ഭാരതി എയര്ടെല്, ഐസിഐസിഐ ബാങ്ക്, എസ്ബിഐ, ബജാജ് ഫിനാന്സ്, എല്ഐസി, ഹിന്ദുസ്ഥാന് യൂണിലിവര് ഓഹരികളാണ് നേട്ടം ഉണ്ടാക്കിയത്. അതേസമയം ടിസിഎസ്, ഇന്ഫോസിസ് ഓഹരികള് നഷ്ടം നേരിട്ടു.
റിലയന്സിന്റെ വിപണി മൂല്യത്തില് ഒരാഴ്ച കൊണ്ട് 1,41,887 കോടിയുടെ വര്ധനയാണ് രേഖപ്പെടുത്തിയത്. 19,63,358 കോടിയായാണ് റിലയന്സിന്റെ വിപണി മൂല്യം ഉയര്ന്നത്. എല്ഐസി 64,926 കോടി, ഭാരതി എയര്ടെല് 52,516 കോടി, ഐസിഐസിഐ ബാങ്ക് 52,476 കോടി, ബജാജ് ഫിനാന്സ് 48,659 കോടി, എസ്ബിഐ 45,460 കോടി എന്നിങ്ങനെയാണ് മറ്റു കമ്പനികളുടെ വിപണി മൂല്യത്തില് ഉണ്ടായ വര്ധന.
ടിസിഎസിന് 88,172 കോടിയുടെയും ഇന്ഫോസിസിന് 63,462 കോടിയുടെയും നഷ്ടം വിപണി മൂല്യത്തില് ഉണ്ടായി. വിപണി മൂല്യത്തില് പതിവ് പോലെ റിലയന്സ് തന്നെയാണ് മുന്നിട്ടുനില്ക്കുന്നത്.
Mcap of 8 of top 10 valued firms surges by whopping Rs 4.55 lakh cr; Reliance biggest winner
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates