ന്യൂഡൽഹി: രാജ്യത്ത് പെട്രോൾ വിലയിൽ 35 ദിവസങ്ങൾക്ക് ശേഷം നേരിയ കുറവ്. ലിറ്ററിന് 15 മുതൽ 20 പൈസ വരെയാണ് രാജ്യത്തെ വിവിധ ഭാ​ഗങ്ങളിലായി പെട്രോൾ വിലയിൽ കുറവ് രേഖപ്പെടുത്തിയത്. 

ഡീസൽ വിലയിലും നേരിയ കുറവുണ്ട്. ഒരു ലിറ്റർ ഡീസലിന് 18 മുതൽ 20 പൈസ വരെയാണ് ഇന്ന് കുറഞ്ഞത്. ഡൽഹിയിൽ പെട്രോളിനും ഡീസലിനും ലിറ്ററിന് 20 പൈസ കുറഞ്ഞു. ഒരു ലിറ്റർ പെട്രോളിന് ഡൽഹിയിൽ ഇന്നത്തെ വില 101.64 ആണ്. 

മുംബൈയിൽ പെട്രോൾ ലിറ്ററിന് 107.66 രൂപയും ഡീസലിന് 96.64 രൂപയുമായി. പെട്രോൾ വില നൂറ് കടക്കുന്ന ഇന്ത്യയിലെ ആദ്യ മെട്രോ നഗരം മുംബൈ ആയിരുന്നു.