തിരുവനന്തപുരം: റിയല്‍ എസ്റ്റേറ്റ് പ്രോജക്ടുകളുടെ പരസ്യത്തില്‍ വിശദാംശങ്ങളടങ്ങിയ ക്യുആര്‍ കോഡ് നിര്‍ബന്ധമാക്കി കേരള റിയല്‍ എസ്റ്റേറ്റ് റെഗുലേറ്ററി അതോറിറ്റി (കെ- റെറ) ഉത്തരവിറക്കി.സെപ്തംബര്‍ ഒന്നുമുതല്‍ ഇത് പ്രാബല്യത്തില്‍ വരും.
റിയല്‍ എസ്റ്റേറ്റ് പ്രോജക്ടുകളുടെ പരസ്യത്തില്‍ കെ-റെറ രജിസ്‌ട്രേഷന്‍ നമ്പര്‍, വിലാസം എന്നിവയോടൊപ്പം വ്യക്തമായി കാണത്തക്കവിധം ക്യുആര്‍ കോഡ് പ്രദര്‍ശിപ്പിക്കണമെന്നാണ് നിര്‍ദേശം. പത്ര- ഇലക്ട്രോണിക് മാധ്യമങ്ങള്‍, ബ്രോഷറുകള്‍, ഹോര്‍ഡിങ്ങുകള്‍, സാമൂഹിക മാധ്യമങ്ങള്‍, ഡെവലപ്പര്‍ വെബ്‌സൈറ്റ്, ഓഫീസ് എന്നിവിടങ്ങളിലെല്ലാം ഇത് നിര്‍ബന്ധമാണ്. കെ- റെറ പോര്‍ട്ടലിലുള്ള പ്രൊമോട്ടേഴ്‌സ് ഡാഷ്‌ബോര്‍ഡില്‍നിന്ന് ഇവ ഡൗണ്‍ലോഡ് ചെയ്യാമെന്നും ഉത്തരവില്‍ പറയുന്നു.
ക്യുആര്‍ കോഡ് സ്‌കാന്‍ ചെയ്യുമ്പോള്‍ കെ- റെറയുടെ വെബ്‌സൈറ്റിലുള്ള റിയല്‍ എസ്റ്റേറ്റ് പ്രോജക്ടിന്റെ വിവരങ്ങള്‍ കാണാം. രജിസ്‌ട്രേഷന്‍ നമ്പര്‍, സാമ്പത്തികം, നിര്‍മാണ പുരോഗതി, അംഗീകൃത പ്ലാനുകള്‍ തുടങ്ങി പ്രോജക്ടിന്റെ ഏറ്റവും പുതിയ ചിത്രങ്ങള്‍ വരെ ഇതില്‍പ്പെടും. റിയല്‍ എസ്റ്റേറ്റ് മേഖലയിലെ സുതാര്യതയിലേക്കുള്ള വലിയ ചുവടുവയ്പായിരിക്കും ഇതെന്ന് കെ- റെറ ചെയര്‍മാന്‍ പി എച്ച് കുര്യന്‍ പറഞ്ഞു. കൂടുതല്‍ വിവരങ്ങള്‍ www.rera.kerala.gov.in ല്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates