ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ ഷവോമിയുടെ റെഡ്മി നോട്ട് 13 പ്രോ പ്ലസ് 5 ജി വേള്ഡ് ചാമ്പ്യന്സ് എഡിഷന് ഏപ്രില് 30ന് ( ചൊവ്വാഴ്ച) ഇന്ത്യയില് അവതരിപ്പിക്കും. അര്ജന്റീന ഫുട്ബോള് അസോസിയേഷനുമായി സഹകരിച്ചാണ് പുതിയ ഫോണ് കമ്പനി വിപണിയില് ഇറക്കുന്നത്. മുകളില് വലതുകോണില് അര്ജന്റീന ഫുട്ബോള് അസോസിയേഷന്റെ ചിഹ്നം കാണിച്ച് കൊണ്ടുള്ള ടീസറും കമ്പനി പുറത്തുവിട്ടു.
റെഡ്മി നോട്ട് 13 പ്രോ പ്ലസ് 5 ജി വേള്ഡ് ചാമ്പ്യന്സ് എഡിഷനുമായി ബന്ധപ്പെട്ട കൂടുതല് ഫീച്ചറുകള് പുറത്തുവന്നിട്ടില്ല. റെഡ്മി നോട്ട് 13 പ്രോ പ്ലസ് 5 ജി ഈ വര്ഷം ആദ്യമായാണ് വിപണിയില് അവതരിപ്പിച്ചത്. മീഡിയാടെക് ഡൈമെന്സിറ്റി 7200-അള്ട്രാ SoC, 120W ചാര്ജിംഗ് പിന്തുണയുള്ള ശക്തമായ 5,000mAh ബാറ്ററി, കട്ടിംഗ് എഡ്ജ് 200-മെഗാപിക്സല് കാമറ യൂണിറ്റ് എന്നിവയുള്പ്പെടെയുള്ള ശ്രദ്ധേയമായ സവിശേഷതകളോടെയാണ് ഈ ഫോണ് വിപണിയില് അവതരിപ്പിച്ചത്. ഉപഭോക്താക്കള്ക്ക് നിരവധി ചോയ്സുകള് വാഗ്ദാനം ചെയ്യുന്ന ഈ ഉപകരണം ഒന്നിലധികം റാം, സ്റ്റോറേജ് കോണ്ഫിഗറേഷനുകളില് ലഭ്യമാണ്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഇന്ത്യയില് റെഡ്മി നോട്ട് 13 പ്രോ പ്ലസ് 5 ജിയുടെ വില ആരംഭിക്കുന്നത് 31,999 രൂപ മുതലാണ്. എട്ട് ജിബി റാമും 256 ജിബി വരെ സ്റ്റോറേജുമുള്ള ഫോണിനാണ് ഈ വില. 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 33,999 രൂപ നല്കണം. സ്റ്റോറേജ് കപാസിറ്റി 512ജിബി ആയാല് വില വീണ്ടും കൂടും. 35,999 രൂപയാണ് ഈ വേരിയന്റിന് വരുന്ന വില.
ഫ്യൂഷന് ബ്ലാക്ക്, ഫ്യൂഷന് പര്പ്പിള്, ഫ്യൂഷന് വൈറ്റ് എന്നി നിറങ്ങളിലാണ് ഫോണ് വിപണിയില് ഇറക്കിയത്. പുത്തന് സാങ്കേതികവിദ്യയുടെ പത്തുവര്ഷത്തെ പാരമ്പര്യം അടയാളപ്പെടുത്തി കൊണ്ടാണ് റെഡ്മി നോട്ട് 13 പ്രോ പ്ലസ് 5 ജി വേള്ഡ് ചാമ്പ്യന്സ് എഡിഷന് അവതരിപ്പിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates