മുംബൈ: വ്യാപാരത്തിനിടെ ഓഹരി വിപണിയില്‍ (share market) കനത്ത ഇടിവ്. ബിഎസ്ഇ സെന്‍സെക്സ് 1000 പോയിന്റ് ആണ് കൂപ്പുകുത്തിയത്. 82000 എന്ന സൈക്കോളജിക്കല്‍ ലെവലിനും താഴെയാണ് സെന്‍സെക്‌സ്. നിഫ്റ്റി 24,850 പോയിന്റില്‍ താഴെയാണ് വ്യാപാരം തുടരുന്നത്.

ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സര്‍, സ്മാര്‍ട്ട് വാട്ടര്‍ ടച്ച് 3.0 സാങ്കേതികവിദ്യ; മോട്ടോറോളയുടെ പുതിയ ഫോണ്‍ വിപണിയില്‍, അറിയാം ഫീച്ചറുകള്‍

ആഗോള വിപണികളില്‍ നിന്നുള്ള പ്രതികൂല സൂചനകളാണ് വിപണിയെ സ്വാധീനിച്ചത്. ഇറക്കുമതിക്ക് താരിഫ് ഏര്‍പ്പെടുത്തുന്നതിനെ കുറിച്ചുള്ള ചര്‍ച്ചകള്‍ അമേരിക്കയില്‍ വീണ്ടും സജീവമായതായുള്ള റിപ്പോര്‍ട്ടുകള്‍ വിപണിക്ക് വിനയായെന്ന് വിദഗ്ധര്‍ അഭിപ്രായപ്പെട്ടു. ഇതിന് പുറമേ വിദേശനിക്ഷേപത്തിന്റെ പുറത്തേയ്ക്കുള്ള ഒഴുക്കും വിപണിയെ പിന്നോട്ടുവലിക്കുന്നുണ്ട്. ഇന്‍ഫോസിസ്, ടെക് മഹീന്ദ്ര, ടാറ്റ മോട്ടോഴ്‌സ്, ബജാജ് ഫിനാന്‍സ്, എച്ച്ഡിഎഫ്‌സി ബാങ്ക്, ടിസിഎസ് ഓഹരികളാണ് പ്രധാനമായി നഷ്ടം നേരിട്ടത്.

സ്വര്‍ണവില വീണ്ടും 73,000ലേക്ക്; രണ്ടുദിവസത്തിനിടെ വര്‍ധിച്ചത് 1240 രൂപ

ഇറാനില്‍ ഇസ്രയേല്‍ ആക്രമണം നടത്തിയേക്കുമെന്ന റിപ്പോര്‍ട്ടുകളെ തുടര്‍ന്നും നിക്ഷേപകര്‍ കരുതലോടെയാണ് വിപണിയില്‍ ഇടപെടുന്നത്. ഇറക്കുമതി ചെയ്യുന്ന ഉല്‍പ്പന്നങ്ങള്‍ക്ക് ഉയര്‍ന്ന നികുതി ഏര്‍പ്പെടുത്തുമെന്ന തീരുമാനം നടപ്പാക്കുന്നത് അമേരിക്ക ജൂലൈ ഒന്‍പത് വരെയാണ് മരവിപ്പിച്ചിരിക്കുന്നത്. ഇതിന് മുന്‍പ് വ്യാപാര പങ്കാളികളായ രാജ്യങ്ങള്‍ക്ക് ഏകീകൃത താരിഫ് നിരക്കുമായി ബന്ധപ്പെട്ട വിവരങ്ങള്‍ അമേരിക്ക കൈമാറുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. കൂടാതെ എണ്ണ വില ഉയരുന്നത് അടക്കമുള്ള ഘടകങ്ങളും വിപണിയെ സ്വാധീക്കുന്നുണ്ടെന്നാണ് വിദഗ്ധര്‍ പറയുന്നത്.