മുംബൈ: ആഗോളവിപണികളുടെ ചുവടുപിടിച്ച് ഇന്ത്യന് ഓഹരിവിപണിയില് കനത്ത ഇടിവ്. മുംബൈ ഓഹരി സൂചികയായ സെന്സെക്സ് ആയിരം പോയിന്റ് ഇടിഞ്ഞു. ദേശീയ ഓഹരി സൂചികയായ നിഫ്റ്റിയില് 15000 പോയിന്റില് താഴെയാണ് വ്യാപാരം നടക്കുന്നത്.
അമേരിക്കന് ഓഹരിവിപണിയായ വാള് സ്ട്രീറ്റില് കനത്ത ഇടിവാണ് രേഖപ്പെടുത്തിയത്. ഇതിന്റെ ചുവടുപിടിച്ച് ഏഷ്യന് ഓഹരികള് നഷ്ടം രേഖപ്പെടുത്തി. ഇത് ഇന്ത്യന് വിപണിയില് പ്രതിഫലിക്കുകയായിരുന്നു. തകര്ച്ചയോടെയാണ് ഇന്ത്യന് ഓഹരിവിപണിയില് വ്യാപാരം തുടങ്ങിയത്. ബാങ്ക് ഉള്പ്പെടെ ധനകാര്യ സ്ഥാപനങ്ങളുടെ ഓഹരികളാണ് മുഖ്യമായി ഇടിവ് നേരിട്ടത്.
ഇന്ഡസ്ഇന്ഡ് ബാങ്ക്, ഐസിഐസിഐ ബാങ്ക്, ആക്സിസ് ബാങ്ക്, എച്ച്ഡിഎഫ്സി, എസ്ബിഐ, തുടങ്ങി ധനകാര്യ സ്ഥാപനങ്ങളുടെ ഓഹരികളെല്ലാം നഷ്ടത്തിലാണ് വ്യാപാരം തുടങ്ങിയത്. ഇതിനിടയിലും കോള് ഇന്ത്യ നേട്ടം ഉണ്ടാക്കിയതാണ് ശ്രദ്ധേയമായ കാര്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates