ന്യൂഡല്ഹി: ആര്ബിഐ ഗവര്ണര്ണറായി ശക്തികാന്ത ദാസിനെ വീണ്ടും നിയമിച്ചു. അദ്ദേഹത്തിന്റെ നിയമനം ഇന്നലെ ചേര്ന്ന കാബിനറ്റ് നിയമ സമിതി അംഗീകരിച്ചു. ഡിസംബര് പത്തിനു കാലാവധി തീരാനിരിക്കെയാണ് നിയമനം.
മൂന്നു വര്ഷം കൂടി കാലാവധി ലഭിക്കുന്നതോടെ സമീപകാലത്ത് ഏറ്റവും കൂടുതല് കാലം ആര്ബിഐ ഗവര്ണര് പദവിയില് ഇരുന്നയാള് എന്ന ഖ്യാദി ശക്തികാന്ത ദാസിനു ലഭിക്കും. ആര്ബിഐ ഗവര്ണര് ആവുന്നതിനു മുമ്പ് വിവിധ സംസ്ഥാന സര്ക്കാരുകളിലും കേന്ദ്ര സര്ക്കാരിലും സുപ്രധാന പദവികള് അദ്ദേഹം വഹിച്ചിട്ടുണ്ട്. ധനമന്ത്രാലയത്തില് റവന്യൂ സെക്രട്ടറി ആയിരിക്കെയാണ് ആര്ബിആ ഗവര്ണറായി നിയമിതനായത്.
ധനമന്ത്രാലയത്തില് ഇരിക്കെ എട്ടു കേന്ദ്ര ബജറ്റുകള് തയാറാക്കുന്നതില് ശക്തികാന്ത ദാസ് പങ്കാളിയായിട്ടുണ്ട്. പതിനഞ്ചാം ധനകാര്യ കമ്മിഷനിലും അംഗമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates