ബാങ്കുകള് ഡെപ്പോസിറ്റുകള് കണ്ടെത്താനുള്ള നെട്ടോട്ടത്തിലാണ്. നിക്ഷേപകരെ ആകര്ഷിക്കാന് നിരവധി പദ്ധതികള് എസ്ബിഐ അടക്കമുള്ള ബാങ്കുകള് പ്രഖ്യാപിച്ചിട്ടുണ്ട്. ഹ്രസ്വകാല സ്ഥിര നിക്ഷേപങ്ങള്ക്ക് വരെ ആകര്ഷകമായ പലിശനിരക്കാണ് ബാങ്കുകള് ഓഫര് ചെയ്യുന്നത്. 360 ദിവസം മുതല് 666 ദിവസം വരെയുള്ള സ്പെഷല് നിക്ഷേപ പദ്ധതികളാണ് വിവിധ ബാങ്കുകള് പ്രഖ്യാപിച്ചിരിക്കുന്നത്. 7.05 ശതമാനം മുതല് 7.75 ശതമാനം വരെയാണ് പലിശ നല്കുന്നത്. വിവിധ ബാങ്കുകളുടെ ആകര്ഷകമായ നിക്ഷേപ പദ്ധതികള് പരിശോധിക്കാം:
444 ദിവസം, 400 ദിവസം കാലാവധിയുള്ള രണ്ടു നിക്ഷേപ പദ്ധതികള്ക്കാണ് എസ്ബിഐ തുടക്കമിട്ടത്. 444 ദിവസം കാലാവധിയുള്ള പദ്ധതിക്ക് 7.25 ശതമാനമാണ് പലിശ. 400 ദിവസത്തിന് 7.1 ശതമാനം. 444 ദിവസം കാലാവധിയുള്ള പദ്ധതി ജൂലൈ 15നാണ് പ്രാബല്യത്തില് വന്നത്. മുതിര്ന്ന പൗരന്മാര്ക്ക് അരശതമാനം കൂടി അധിക പലിശ ലഭിക്കും. 2025 മാര്ച്ച് 31 വരെ പദ്ധതിയില് ചേരാം.
399 ദിവസം, 333 ദിവസം കാലാവധിയുള്ള രണ്ടു പദ്ധതികളാണ് പുതുതായി ആരംഭിച്ചത്. 399 ദിവസം കാലാവധിയുള്ള പദ്ധതിക്ക് 7.25 ശതമാനമാണ് പലിശ. 333 ദിവസത്തിന് 7.15 ശതമാനം. മണ്സൂണ് ഡെപ്പോസിറ്റ് സ്കീമിലാണ് പുതിയ നിക്ഷേപ പദ്ധതികള് ആരംഭിച്ചത്. ജൂലൈ 15ന് ആരംഭിച്ച പദ്ധതിയില് ചേരുന്ന മുതിര്ന്ന പൗരന്മാര്ക്ക് അരശതമാനം കൂടി അധിക പലിശ ലഭിക്കും. കൂടാതെ പുതിയ സ്കീം അനുസരിച്ച് ഒരു വര്ഷം കാലാവധിയുള്ള പദ്ധതിയില് ചേരുന്നവര്ക്ക് 7.1 ശതമാനം പലിശയും ലഭിക്കും
666 ദിവസം, 400 ദിവസം കാലാവധിയുള്ള രണ്ടു നിക്ഷേപ പദ്ധതികളാണ് ഉള്ളത്. 666 ദിവസം കാലാവധിയുള്ള നിക്ഷേപ പദ്ധതിയില് ചേരുന്നവര്ക്ക് 7.25 ശതമാനം പലിശയാണ് ലഭിക്കുക. 400 ദിവസത്തിന് 7.1 ശതമാനം.
കാനറ ബാങ്കിന് 444 ദിവസം കാലാവധിയുള്ള സപെഷ്യല് നിക്ഷേപ പദ്ധതിയാണ് ഉള്ളത്. 7.25 ശതമാനമാണ് പലിശ. സെന്ട്രല് ബാങ്ക് ഓഫ് ഇന്ത്യയ്ക്ക് രണ്ടു സ്പെഷല് നിക്ഷേപ പദ്ധതികളാണ് ഉള്ളത്. 555 ദിവസം കാലാവധിയുള്ള പദ്ധതിക്ക് 7.3 ശതമാനമാണ് പലിശ. 444 ദിവസം കാലാവധിയുള്ള പദ്ധതിക്ക് 7.25 ശതമാനം പലിശ ലഭിക്കും
ഇന്ത്യന് ബാങ്കില് 400 ദിവസം കാലാവധിയുള്ള സ്പെഷല് നിക്ഷേപ പദ്ധതിയില് നിക്ഷേപിച്ചാല് 7.25 ശതമാനം പലിശ നല്കും. 300 ദിവസത്തെ പദ്ധതിയിലാണെങ്കില് 7.05 ശതമാനമാണ് പലിശ ലഭിക്കുക. ഇന്ത്യന് ഓവര്സീസ് ബാങ്കിന് 666 ദിവസവും 444 ദിവസവും കാലാവധിയുള്ള നിക്ഷേപ പദ്ധതികളാണ് ഉള്ളത്. 7.3 ശതമാനമാണ് പലിശ. പഞ്ചാബ് നാഷണല് ബാങ്കിന്റെ സ്പെഷല് നക്ഷേപ പദ്ധതികളായ 400 ദിവസം, 444 ദിവസം എന്നിവ തെരഞ്ഞെടുത്താല് 7.25 ശതമാനം പലിശ ലഭിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates