ന്യൂഡല്‍ഹി: ഉപഭോക്താക്കളുടെ സൗകര്യാര്‍ഥം പുതിയ ഫീച്ചറുകള്‍ അവതരിപ്പിക്കുന്നതിന്റെ തിരക്കിലാണ് പ്രമുഖ ഇന്‍സ്റ്റന്റ് മെസേജിങ് ആപ്പായ വാട്‌സ്ആപ്പ്. ഇക്കൂട്ടത്തിലേക്ക് ഫോര്വേഡഡ് ചിത്രങ്ങള്‍ക്ക് വിവരണം നല്‍കുന്ന ഫീച്ചര്‍ അവതരിപ്പിക്കാന്‍ ഒരുങ്ങുകയാണ് വാട്‌സ്ആപ്പ്.
ഫോര്‍വേഡ് ചെയ്ത ചിത്രങ്ങള്‍, വീഡിയോകള്‍, രേഖകള്‍ എന്നിവയ്ക്ക് അധിക വിവരണം നല്‍കി വീണ്ടും ഫോര്‍വേര്‍ഡ് ചെയ്യാന്‍ ഉപയോക്താവിനെ സഹായിക്കുന്നതാണ് പുതിയ ഫീച്ചര്‍. ഗൂഗിള്‍ പ്ലേ സ്റ്റോറില്‍ ആന്‍ഡ്രോയിഡ് 2.23.8.22 അപ്ഡേറ്റിനായി ഏറ്റവും പുതിയ വാട്‌സ്ആപ്പ് ബീറ്റ വേര്‍ഷന്‍ ഇന്‍സ്റ്റാള്‍ ചെയ്യുന്നവര്‍ക്ക് ഈ ഫീച്ചര്‍ ലഭിക്കുമെന്നാണ് റിപ്പോര്‍ട്ട്. ഇത് ഫലപ്രദമാണ് എന്ന് തോന്നിയാല്‍ എല്ലാവര്‍ക്കും ഇത് ലഭ്യമാക്കുമെന്നാണ് റിപ്പോര്‍ട്ട്.
ഫോര്വേഡഡ് മീഡിയയിലെ ക്യാപ്ഷന്‍ നീക്കം ചെയ്ത് പുതിയ വിവരണത്തോടെ വീണ്ടും ഫോര്‍വേര്‍ഡ് ചെയ്യാനുള്ള ഓപ്ഷനാണ് പുതിയ ഫീച്ചറില്‍ ഉണ്ടാവുക. നിലവിലെ ചിത്രത്തിലെ ക്യാപ്ഷന്‍ കൃത്യമായ വിവരണം നല്‍കുന്നില്ല എന്ന് ബോധ്യപ്പെടുന്ന ഘട്ടത്തില്‍ ഉപയോക്താവിന് സ്വന്തമായി പുതിയ വിവരണം നല്‍കി സന്ദേശം പ്രത്യേകം കൈമാറാന്‍ അനുവദിക്കുന്നതാണ് പുതിയ ഫീച്ചര്‍. ഫോര്വേഡഡ് മീഡിയയില്‍ പുതിയതായി ഒന്ന് ചേര്‍ക്കണമെന്ന് തോന്നുന്ന ഘട്ടത്തിലും ഈ ഫീച്ചര്‍ പ്രയോജനപ്പെടും. സ്വീകര്‍ത്താവിന് ഒറിജിനൽ മീഡിയയിൽ നിന്ന് വ്യത്യസ്തമായി പുതിയ വിവരണം ചേർത്തതായി എളുപ്പം മനസിലാക്കാനും കഴിയുന്നവിധമാണ് ഇതിലെ ക്രമീകരണം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates