വ്യാജ വാര്ത്തകളും തെറ്റായ വിവരങ്ങളും പ്രചരിക്കുന്നത് തടയുന്നതിന്റെ ഭാഗമായി പുതിയ നിയന്ത്രണവുമായി വാട്സ്ആപ്പ്.ഫോര്വേഡ് മെസേജുകള് നിയന്ത്രിക്കാനാണ് പുതിയ സംവിധാനം വാട്സ്ആപ്പ് ഒരുക്കിയത്. ഗ്രൂപ്പ് ചാറ്റുകളിലേക്ക് ഫോര്വേഡ് മെസേജുകള് അയക്കുന്നതിന് പരിധി നിശ്ചയിക്കുകയാണ് പ്രധാന ലക്ഷ്യം. ആന്ഡ്രോയിഡ്, ഐഒഎസ് എന്നിവയിലെ ബീറ്റാ പതിപ്പില് പുതിയ അപ്ഡേഷന് ഇതിനോടകം വന്നുകഴിഞ്ഞു.
വ്യാജ വാര്ത്തകളും തെറ്റായ വിവരങ്ങളും വ്യാപകമായി പ്രചരിപ്പിക്കുന്നതില് നിന്ന് ഉപയോക്താക്കളെ നിയന്ത്രിക്കുന്നതിനാണ് വാട്സ്ആപ്പ് പുതിയ പോളിസി കൊണ്ടുവന്നിരിക്കുന്നതെന്നാണ് വിവരം. ഇതുപ്രകാരം ഒന്നില് കൂടുതല് ഗ്രൂപ്പ് ചാറ്റുകളിലേക്ക് ഒരേസമയം ഫോര്വേഡ് മെസേജുകള് അയക്കാനാവില്ല.
ഒന്നില് കൂടുതല് ഗ്രൂപ്പുകളിലേക്ക് ഫോര്വേഡ് മെസേജുകള് അയക്കാന് ശ്രമിച്ചാല് 'ഫോര്വേഡ് ചെയ്ത സന്ദേശങ്ങള്ക്ക് ഒരു ഗ്രൂപ്പ് ചാറ്റിലേക്ക് മാത്രമേ അയക്കാന് കഴിയൂ' എന്ന ഓണ്-സ്ക്രീന് സന്ദേശം ലഭിക്കും. വാട്സ്ആപ്പിലൂടെ ആളുകള്ക്കിടയില് ഭീതി പടര്ത്തുന്ന തരം വ്യാജ വാര്ത്തകളും വ്യാജ പ്രചരണങ്ങളും വ്യാപകമായി പ്രചരിക്കുന്ന സാഹചര്യത്തിലാണിത്.
ഈ വാര്ത്ത കൂടി വായിക്കൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates