മുംബൈ: ഡോളറിനെതിരെ രൂപയ്ക്ക് റെക്കോര്‍ഡ് നേട്ടം. ഒരു ഡോളറിന് 1.12 രൂപയുടെ വര്‍ധനവാണ് ഇന്നലെ മാത്രം രൂപ നേടിയത്.  70 രൂപ 44 പൈസയെന്ന നിലയിലാണ് വ്യാപാരം അവസാനിപ്പിച്ചത്. അഞ്ചു വര്‍ഷത്തിനിടെ ഇതാദ്യമായാണ് ഒരു ദിവസത്തില്‍ രൂപ ഇത്രയും വലിയ നേട്ടമുണ്ടാക്കിയത്. ഇന്ന് ഡോളറിന് 70.33 രൂപ ആയി വീണ്ടു മെച്ചപ്പെട്ടിട്ടുണ്ട്. 

അന്താരാഷ്ട്ര വിപണിയില്‍ എണ്ണവില 14 മാസത്തെ ഏറ്റവും താഴ്ന്ന നിലയില്‍ എത്തിയതോടെയാണ് ഡോളറിന് ക്ഷീണംതട്ടിയത്. ബ്രെന്റ് ക്രൂഡ് ഓയിലിന് ഇന്നലെ മാത്രം നാല് ശതമാനത്തിന്റെ ഇടിവാണ് ഉണ്ടായത്.

 ബാരലിന് 57.29 ഡോളറിലേക്ക് ഇടിഞ്ഞെങ്കിലും പിന്നീട് 58 ഡോളറിലേക്ക് എത്തുകയായിരുന്നു. വിപണിയിലെ എണ്ണ ലഭ്യത വര്‍ധിച്ചതാണ് വിലയിടിവിന് കാരണമെന്നാണ് റിപ്പോര്‍ട്ടുകള്‍.