മുംബൈ: അതിവേഗ ബ്രോഡ്ബാന്‍ഡ് സേവനം ലഭ്യമാക്കുന്ന ജിയോ ഫൈബര്‍ പുതിയ രണ്ട് പ്രീപെയ്ഡ് പ്ലാനുകള്‍ അവതരിപ്പിച്ചു. നിലവിലുളള പ്രീപെയ്ഡ് പ്ലാനുകള്‍ക്ക് ഒപ്പം ഉപയോഗിക്കാവുന്ന വിധമാണ് ഈ വൗച്ചറുകള്‍ ക്രമീകരിച്ചിരിക്കുന്നത്.

ഒരു മാസവും ഒരാഴ്ചയും കാലാവധിയുളള 351 രൂപയുടെയും 199 രൂപയുടെയും പ്ലാനുകളാണ് ജിയോ ഫൈബര്‍ അവതരിപ്പിച്ചിരിക്കുന്നത്. നിലവിലെ ഹൈ സ്പീഡ് ഡൗണ്‍ലോഡിന്റെ ക്വാട്ട പൂര്‍ത്തിയാവുന്ന മുറയ്ക്ക് ഈ പ്ലാനുകള്‍ തെരഞ്ഞെടുക്കാവുന്ന വിധമാണ് ഇത് ക്രമീകരിച്ചിരിക്കുന്നത്. അതായത് 699 രൂപ മുതല്‍ 8499 രൂപ വരെയുളള പ്രീപെയ്ഡ് പ്ലാനുകള്‍ക്ക് ഒപ്പം ഈ രണ്ട് വൗച്ചറുകളും ഉപയോഗിക്കാന്‍ കഴിയുമെന്ന് സാരം.
ജിയോ പ്ലാനുകള്‍ പതിവായി നല്‍കുന്ന എല്ലാ മികച്ച ഓഫറുകളും ഈ പുതിയ പ്ലാനുകളിലും ലഭ്യമാക്കും. അതായത് പരിധികളില്ലാത്ത വോയ്‌സ് കോളും ഡേറ്റ സേവനവും ലഭ്യമാക്കുമെന്ന് സാരം. ടിവി വീഡിയോ കോളിങ്ങാണ് മറ്റൊരു സവിശേഷത.

351 രൂപയുടെ പ്രീപെയ്ഡ് പ്ലാന്‍ തെരഞ്ഞെടുക്കുന്നവര്‍ക്ക് 50 ജിബി ഹൈ സ്പീഡ് ഡേറ്റയാണ് അനുവദിക്കുക. ഒരു മാസത്തേയ്ക്ക് 10എംബിപിഎസാണ് ഡൗണ്‍ലോഡ് സ്പീഡ്. 199 രൂപ തെരഞ്ഞെടുക്കുന്നവര്‍ക്ക് പരിധിയില്ലാത്ത ഡേറ്റ സേവനമാണ് ലഭിക്കുക. 100എംബിപിഎസാണ് ഡൗണ്‍ലോഡ് സ്പീഡ്.