സാന്‍ഫ്രാന്‍സിസ്‌കോ: കുട്ടികള്‍ക്കെതിരായ ലൈംഗിക അതിക്രമങ്ങള്‍ പ്രോത്സാഹിപ്പിക്കുന്ന സൈറ്റുകള്‍ കണ്ടെത്താനുള്ള പദ്ധതിയുമായി ആഗോള സെര്‍ച്ച് എന്‍ജിനായ ഗൂഗിള്‍. ഇന്റര്‍നെറ്റിലെ ഒളിയിടങ്ങളില്‍ പ്രവര്‍ത്തിക്കുന്ന ഇത്തരം സൈറ്റുകളുടെ ഉള്ളടക്കങ്ങള്‍ നിര്‍മിത ബുദ്ധി (ആര്‍ട്ടിഫിഷ്യല്‍ ഇന്റലിജന്‍സ്) ഉപയോഗിച്ച് പ്രതിരോധിക്കാനാണ് ഗൂഗിള്‍ ചൈല്‍ഡ് സെക്ഷ്വല്‍ അബ്യുസ് മെറ്റീരിയല്‍ (സിഎസ്എഎം) ആവിഷ്‌കരിക്കുന്നത്. പുതിയ സോഫ്റ്റവെയര്‍ തയ്യാറാകുന്നതോടെ കുട്ടികള്‍ക്കെതിരായ ലൈംഗികാതിക്രമങ്ങള്‍ വേഗത്തില്‍ തിരിച്ചറിയാനും വ്യാപനം തടയാനുമാകും. കൂടാതെ നിലവിലുള്ളതിനേക്കാള്‍ 700 മടങ്ങ് കൂടുതല്‍ വേഗത്തില്‍ ഇത്തരം കണ്ടന്റുകള്‍ കണ്ടെത്താനാകുമെന്നും ഗൂഗിള്‍ അവകാശപ്പെടുന്നു.
കുട്ടികള്‍ക്കെതിരായ ലൈംഗികാതിക്രമങ്ങള്‍ ഇന്റര്‍നെറ്റിലൂടെ പ്രചരിപ്പിക്കുന്നത് ഏറ്റവും മോശമായ ദുരുപയോഗമാണെന്ന് ഗൂഗിള്‍ അധികൃതര്‍ പറയുന്നു. ഗൂഗിള്‍ തയ്യാറാക്കുന്ന പുതിയ സാങ്കേതികവിദ്യ എന്‍ജിഒകള്‍ക്കും സമാനമായ മറ്റ് സാങ്കേതിക കമ്പനികള്‍ക്കും സൗജന്യമായി ലഭ്യമാക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates