ചോറിവിടെയും കൂറ് ആപ്പിളിലും വേണ്ടെന്ന് ബ്രാന്ഡ് അംബാസിഡറോട് പറഞ്ഞിരിക്കുകയാണ് പ്രമുഖ മൊബൈല് കമ്പനിയായ സാംസങ്. ചാനല് ചര്ച്ചയ്ക്കിടെ ഐ ഫോണ് ഉപയോഗിച്ചതിനാണ് റഷ്യന് അംബാസിഡറായ ക്സീന സോബ്ചാകിക്ക് സാംസങ് 12 കോടി രൂപ പിഴ ഈടാക്കുന്നത്.
കരാര് ലംഘിച്ചതിനാണ് പിഴയെന്ന് സാംസങ് വെളിപ്പെടുത്തി. പൊതുചടങ്ങുകളിലും ടെലിവിഷന് പരിപാടികളിലും ഗ്യാലക്സി നോട്ട് ഉപയോഗിക്കണമെന്നായിരുന്നു കമ്പനിയും സോബ്ചാകിനുമായുള്ള കരാര്.
പേപ്പര് കൊണ്ട് മറച്ച് പിടിച്ചാണ് ഐ ഫോണ് ഉപയോഗിച്ചതെങ്കിലും സോഷ്യല്മീഡിയയുടെ കണ്ണുകള് സോബ്ചാകിനെ കുടുക്കി. ഐഫോണ് എക്സ് ആണ് സോബ്ചാകിന് ഉപയോഗിച്ചത്.
കമ്പനിയെ നാണം കെടുത്തുന്ന പ്രവര്ത്തിയാണ് മാധ്യമപ്രവര്ത്തക കൂടിയായ ബ്രാന്ഡ് അംബാസിഡറില് നിന്നുണ്ടായിരിക്കുന്നതെന്നാണ് സാംസങ് പിഴ ആവശ്യപ്പെട്ട കത്തില് പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates