കാലിഫോര്ണിയ: ട്വിറ്റര് സഹസ്ഥാപകന്റെ അക്കൗണ്ട് ഹാക്ക് ചെയ്തു. ചക്കിള് സ്ക്വാഡ് എന്ന ഗ്രൂപ്പാണ് ട്വിറ്റര് സിഇഒ ആയ ജാക് ഡോര്സിയുടെ അക്കൗണ്ട് ഹാക്ക് ചെയ്തത്. ട്വിറ്റര് തന്നെ ഇക്കാര്യം ഔദ്യോഗികമായി സ്ഥിരീകരിച്ചു.
ഡോര്സിയുടെ അക്കൗണ്ട് ഹാക്ക് ചെയ്തതിന് ശേഷം ഹാക്കര്മാര് വംശീയ അധിക്ഷേപങ്ങള് ഈ അക്കൗണ്ടില് നിന്നും ട്വീറ്റ് ചെയ്യുകയായിരുന്നു. വെള്ളിയാഴ്ച വൈകുന്നേരമാണ് സംഭവം. 15 മിനിറ്റോളം ഈ ട്വീറ്റുകള് ഡോര്സിയുടെ അക്കൗണ്ടില് കിടന്നു.
ട്വിറ്റര് ആസ്ഥാനത്ത് ബോംബ് വെച്ചിരിക്കുന്നു എന്ന ട്വീറ്റും ഡോര്സിയുടെ അക്കൗണ്ടില് നിന്നുമുണ്ടായി. നാല് ദശലക്ഷത്തോളം ഫോളോവേഴ്സാണ് ഡോര്സിക്കുള്ളത്. എന്നാല്, മിനിറ്റുകള്ക്കുള്ളില് തന്നെ ഈ അക്കൗണ്ട് വീണ്ടെടുത്തതായി ട്വിറ്റര് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates