കൊച്ചി: ഒരു ഇടവേളയ്ക്ക് ശേഷം സ്വര്‍ണവില വീണ്ടും ഉയരുന്നു. പവന് 240 രൂപ വര്‍ധിച്ച് സ്വര്‍ണവില ഇന്ന് 28400 രൂപയായി. ഈമാസത്തെ ഏറ്റവും ഉയര്‍ന്ന വിലയിലാണിത്. ഗ്രാമിന് 30 രൂപ ഉയര്‍ന്ന് 3550 രൂപയായി.

ഈ മാസത്തിന്റെ തുടക്കത്തില്‍ 27520 രൂപയായിരുന്നു ഒരു പവന്‍ സ്വര്‍ണത്തിന്റെ വില. ഇത് ഘട്ടം ഘട്ടമായി ഉയര്‍ന്നാണ് 28500ലേക്ക് എത്തിയിരിക്കുന്നത്. ഏകദേശം പവന് 900 രൂപയാണ് പത്തുദിവസം കൊണ്ട് വര്‍ധിച്ചത്.

ആഗോള സമ്പദ്‌വ്യവസ്ഥയില്‍ തളര്‍ച്ച തുടരുന്നതാണ് സ്വര്‍ണവിലയില്‍ പ്രതിഫലിക്കുന്നത്. ചൈന- അമേരിക്ക വ്യാപരയുദ്ധം അടക്കമുളള വിഷയങ്ങളാണ് ആഗോള സാമ്പത്തിക മുരടിപ്പിന് ഒരു പ്രധാന കാരണം. അതിനാല്‍ സുരക്ഷിത നിക്ഷേപം എന്ന നിലയില്‍  സ്വര്‍ണത്തിലേക്ക് മാറുന്നതാണ് സ്വര്‍ണവില ഉയരാന്‍ പ്രധാനകാരണം.