തിരുവനന്തപുരം: ഓണത്തോടനുബന്ധിച്ച് കേരളത്തില്‍ പ്രീപെയ്ഡ് ഉപഭോക്താക്കള്‍ക്കായി മികച്ച പ്ലാന്‍ അവതരിപ്പിച്ച് പൊതുമേഖല ടെലികോം കമ്പനി ബിഎസ്എന്‍എല്‍. സ്മാര്‍ട്ട് പ്ലാന്‍ എന്ന പേരിലാണ് ഉപഭോക്താക്കള്‍ക്ക്  ഈ സേവനം ലഭ്യമാക്കുന്നത്. വിവിധ ഓപ്പറേറ്റര്‍മാരില്‍ നിന്നും ലഭ്യമായതില്‍ ഏറ്റവും കുറഞ്ഞ നിരക്കിലുള്ളതും മികച്ചതുമായ മൊബൈല്‍ പ്ലാനാണിതെന്ന് ഇതിന്റെ ഉദ്ഘാടനം നിര്‍വഹിച്ച് ജനറല്‍ മാനേജര്‍ ഡോ.പി ടി മാത്യു പറഞ്ഞു.

 234 രൂപയുടെ പ്ലാനിന് 30 ദിവസത്തെ കാലാവധിയാണുള്ളത്. പ്രതിദിന പരിധികളില്ലാതെ 90 ജി ബി ഡാറ്റ നല്‍കുന്ന ഈ പ്രീപെയ്ഡ് പ്ലാനില്‍ പ്രതിദിനം ഏതു നെറ്റ് വര്‍ക്കിലേക്കും 250 മിനിറ്റ് കോളുകള്‍ കൂടാതെ 100 എസ് എം എസും ലഭ്യമാക്കിയിട്ടുണ്ട്.