സ്മാര്ട്ട്ഫോണ് വിപണിയില് വമ്പന് തിരിച്ചു വരവിനൊരുങ്ങുകയാണ് സാംസങ്. ഇതിന്റെ ഭാഗമായി മടക്കുകയും നിവര്ത്തുകയും ചെയ്യാവുന്ന ഗാലക്സി ഫോള്ഡാണ് സാംസങ് പുറത്തിറക്കിയിരിക്കുന്നത്. മടക്കിയാല് 4.6 ഇഞ്ച് മാത്രം വലിപ്പവും നിവര്ത്തിയാല് 7.3 ഇഞ്ച് വലിപ്പവുമാണ് ഫോണിനുള്ളത്. മടങ്ങുന്നതില് മാത്രമാണ് ഗാലക്സി ഫോണിന്റെ ഫീച്ചര് എന്ന് കരുതുകയേ വേണ്ട. ആറ് ക്യാമറകളും ഫോണിലുണ്ട്. ഒരു ക്യാമറ മുകളിലും പിന്വശത്ത് മൂന്നും രണ്ട് ക്യാമറകള് ഫോണിനുള്ളിലും കണ് തുറന്നിരിക്കും.
ലാപ്ടോപ്പുകളെ ഒഴിവാക്കാന് ഗാലക്സി ഫോള്ഡ് സഹായിക്കുമെന്നാണ് കമ്പനിയുടെ അവകാശ വാദം.പ്രോസസിങ് പവര് ഗെയിനിങ് ലാപ്ടോപുകളെക്കാള് ഗാലക്സി ഫോള്ഡിനുണ്ട്. ഇതിനുംപുറമേ മള്ട്ടി ടാസ്കിങും ഫോണില് സാധ്യമാണ്.
ഇനിയുള്ള കാലം ഫോള്ഡഡ് ഫോണുകളുടേതാവുമോയെന്നാണ് ടെക് ലോകം ഉറ്റുനോക്കുന്നത്. സാംസങ് ഫോണ് പുറത്തിറക്കിയെങ്കിലും ആപ്പിളും വാവോയും ഗൂഗിളുമെല്ലാം മടക്കാന് സാധിക്കുന്ന ഫോണിന്റെ പണിപ്പുരയിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates