അയച്ച സന്ദേശങ്ങള്‍ പിന്‍വലിക്കാനുള്ള സൗകര്യം ഇനിമുതൽ ഫെയ്‌സ്ബുക്ക് മെസഞ്ചറിലും. പുതുതായി അവതരിപ്പിച്ച 'അണ്‍സെന്റ്' ഫീച്ചര്‍ ഉപയോഗിച്ചാണ് ഇത് സാധ്യമാകുക. ഗ്രൂപ്പ് സന്ദേശങ്ങളിലും, സ്വകാര്യ ചാറ്റുകളിലും അണ്‍സെന്റ് ഫീച്ചര്‍ ഉപയോഗപ്പെടുത്താം.
വാട്‌സാപ്പിലെ ഡിലീറ്റ് ഫോര്‍ എവരി വണ്‍ മാതൃകയിലാണ് അണ്‍സെന്റ് ഫീച്ചറും പ്രവർത്തിക്കുക. നിങ്ങള്‍ക്ക് മാത്രമായി നീക്കം ചെയ്യുക, എല്ലാവരില്‍ നിന്നും നീക്കം ചെയ്യുക എന്നിങ്ങനെ രണ്ട് ഓപ്ഷനുകൾ ഉപഭോക്താക്കൾക്ക് തിരഞ്ഞെടുക്കാനാകും. സന്ദേശങ്ങള്‍ നീക്കം ചെയ്യപ്പെട്ടാല്‍ അവിടെ വാട്‌സാപ്പ് മാതൃകയിൽ സന്ദേശം നീക്കം ചെയ്യപ്പെട്ടു എന്ന കുറിപ്പ് കാണാം.
പത്ത് മിനിറ്റാണ് സന്ദേശങ്ങള്‍ പിന്‍വലിക്കാനുള്ള സമയപരിധി. മെസഞ്ചര്‍ ആപ്പിലും ഫെയ്‌സ്ബുക്കിന്റെ ഡെസ്‌ക്ടോപ്പ് പതിപ്പിലും പുതിയ ഫീച്ചര്‍ ലഭ്യമാണ്. ആൻഡ്രോയിഡ്, ഐഒഎസ് ഉപഭോക്താക്കൾക്ക് സേവനം പ്രയോജനപ്പെടുത്താനാകും.
വാട്‌സാപ്പില്‍ അവതരിപ്പിച്ച ഡിലീറ്റ് ഫോര്‍ എവരിവണ്‍ ഫീച്ചര്‍ ഉപഭോക്താക്കൾക്കിടയിൽ മികച്ച സ്വീകാര്യത നേടിയതിന് പുറമെയാണ് മെസഞ്ചറിലും ഈ ഫീച്ചർ അവതരിപ്പിച്ചിരിക്കുന്നത്. വാട്സാപ്പിൽ സന്ദേശങ്ങള്‍ നീക്കം ചെയ്യാന്‍ ഏഴ് മിനിറ്റ് സമയമാണ് ആദ്യം നൽകിയിരുന്നത്. ഇപ്പോൾ ഒരുമണിക്കൂർ വരെ സന്ദേശങ്ങൾ നീക്കം ചെയ്യാനുള്ള അവസരമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates