സ്റ്റോക്‌ഹോം: ഈ വര്‍ഷത്തെ സാമ്പത്തിക ശാസ്ത്രത്തിനുളള നൊബേല്‍ സമ്മാനം അമേരിക്കന്‍ സാമ്പത്തിക ശാസ്ത്രജ്ഞര്‍ പങ്കിട്ടു. പോള്‍ ആര്‍ മില്‍ഗ്രോമും റോബര്‍ട്ട് ബി വില്‍സണുമാണ് പുരസ്‌കാരത്തിന് അര്‍ഹരായത്. ലേല സിദ്ധാന്തത്തില്‍ പുതിയ മാറ്റങ്ങള്‍ കൊണ്ടുവന്നതിനും ലേലം നടത്തുന്ന രീതിയില്‍ നൂതനമായ ആശയങ്ങള്‍ മുന്നോട്ടുവെച്ചതിനുമാണ് പുരസ്‌കാരം.
കോവിഡ് വ്യാപനത്തെ തുടര്‍ന്ന് ലോകരാജ്യങ്ങള്‍ രണ്ടാം ലോകമഹായുദ്ധ സമയത്ത് നേരിട്ട സമാനമായ സാമ്പത്തിക പ്രതിസന്ധിയിലൂടെ കടന്നുപോകുന്ന സമയത്താണ് പുരസ്‌കാര പ്രഖ്യാപനം. കഴിഞ്ഞ വര്‍ഷം അമേരിക്കയിലെ മസാച്ചുസെറ്റ്‌സ് സര്‍വകലാശാലയിലെ രണ്ടു ഗവേഷകരെയും ഹാര്‍വാര്‍ഡ് സര്‍വ്വകലാശാലയിലെ ഒരാളെയുമാണ് സാമ്പത്തിക ശാസ്ത്രത്തിനുളള പുരസ്‌കാരം തേടിയെത്തിയത്.
1 കോടി സ്വീഡിഷ് ക്രോണയാണ് പുരസ്‌കാര തുക. 1969 മുതലാണ് സാമ്പത്തിക ശാസ്ത്രത്തിനുളള നൊബേല്‍ സമ്മാനം നല്‍കി വരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates