പുതിയ അപ്‌ഡേറ്റ് അവതരിപ്പിച്ചതിനു പിറകെ ഡിജിറ്റല്‍ പേയ്‌മെന്റ് രംഗത്തേക്കും കടക്കാനൊരുങ്ങുകയാണ് വാട്ട്‌സ്ആപ്. വാട്ട്‌സ്ആപ്പിന്റെ എട്ടാം ജന്‍മദിനത്തിന്റെ ഭാഗമായി ഇന്ത്യയിലെത്തിയ ആപ്പിന്റെ സഹസ്ഥാപകന്‍ ബ്രയാണ്‍ ആക്ടണ്‍ ആണ് ഇതുസംബന്ധിച്ച വിവരം പുറത്തുവിട്ടത്.
ഡിജിറ്റല്‍ പേയ്‌മെന്റ് സംവിധാനം ഏര്‍പ്പെടുത്തുന്നതിന്റെ പ്രാരംഭ ഘട്ടത്തിലാണ് തങ്ങളെന്നും അദ്ദേഹം പറഞ്ഞു. പുതുതായി കൊണ്ടുവന്ന സ്റ്റാറ്റസ് സൗകര്യത്തിനോട് ഉപയോക്താക്കള്‍ ആദ്യഘട്ടത്തില്‍ പോസിറ്റീവായി പ്രതികരിച്ചില്ലെങ്കിലും പിന്നീട് അനുകൂല പ്രതികരണമാണ് ലഭിച്ചത്. ഉപയോക്താക്കളുടെ പ്രതികരണങ്ങളും നിര്‍ദേശങ്ങളും സ്വീകരിച്ച് ആപ്ലിക്കേഷന്‍ കൂടുതല്‍ മെച്ചപ്പെടുത്തുമെന്നും അദ്ദേഹം പറഞ്ഞു.