മുംബൈ: ജിയോ ഫോണിന്റെ പുതുക്കിയ വേര്‍ഷനായ ജിയോ ഫോണ്‍ 2 റിലയന്‍സ് അവതരിപ്പിച്ചു. വാട്ട്‌സ് ആപ്പും ഫെയ്‌സ്ബുക്കുമെല്ലാമുള്ള ഫീച്ചര്‍ ഫോണ്‍ ആണ് ജിയോ ഫോണ്‍ 2. വില 2999 രൂപ. പഴയ ഫീച്ചര്‍ ഫോണ്‍ കൊടുത്ത് 501 രൂപയ്ക്ക് ജിയോ ഫോണ്‍ 2 എക്‌സ്‌ചേഞ്ച് വിലയില്‍ വാങ്ങാം. 

ഓഗസ്റ്റ് പതിനഞ്ചു മുതല്‍ ജിയോ ഫോണ്‍ 2 വിപണിയില്‍ ലഭിക്കുമെന്ന് റിലയന്‍സ് ചെയര്‍മാന്‍ മുകേഷ് അംബാനി വാര്‍ഷിക ജനറല്‍ ബോഡിയില്‍ പറഞ്ഞു.

2.4 ഇഞ്ചാണ് ജിയോ ഫോണ്‍ 2വിന്റെ സ്‌ക്രീന്‍. ക്വര്‍ട്ടി കീപാഡ്, ഫോര്‍വേ നാവിഗേഷന്‍ കീ എന്നിവയുണ്ടാവും. ഡ്യൂവല്‍ സിം ഫോണാണ്. 4ജി എല്‍ടിഇ സപ്പോര്‍ട്ട്.

512 എംബി റാം, 4 ജിബി മെമ്മറി, 2 മെഗാപിക്‌സല്‍ റിയര്‍ കാമറ, വിജിഎ ഫ്രണ്ട് കാമറ എന്നിവയാണ് മറ്റു സ്‌പെസിഫിക്കേഷനുകള്‍. 150 എംബിപിഎസ് വരെ ഡൗണ്‍ലോഡ് സ്പീഡ് സപ്പോര്‍ട്ട് ചെയ്യും. ബാറ്ററി 2000 എംഎഎച്ച്. വാട്ട്‌സ് ആപ്പ്, ഫെയ്‌സ്ബുക്ക്, യൂട്യൂബ് ആപ്പുകളുണ്ടാവും.