ഡിജിറ്റല്‍ മാധ്യമങ്ങള്‍ക്ക് അടുത്ത ആറ് വര്‍ഷത്തിനുള്ളില്‍ വമ്പന്‍ വളര്‍ച്ചയുണ്ടാകുമെന്ന് റിപ്പോര്‍ട്ട്. അനുദിനം വളര്‍ച്ച കൈവരിക്കുന്ന സാങ്കേതികത ഡിജിറ്റല്‍ മാധ്യമങ്ങള്‍ പരമ്പരാഗത മാധ്യമങ്ങളെ പിന്നിലാക്കുമെന്നാണ് റിപ്പോര്‍ട്ടില്‍ പറയുന്നത്.
വില്‍പ്പനയില്‍ റെക്കോഡ് വേഗതയുള്ള സ്മാര്‍ട്ട്‌ഫോണുകളും ഇതോടൊപ്പം വളരുന്ന ഇന്റര്‍നെറ്റ് ബ്രോഡ്ബാന്റ് കണക്ഷനുകളും ഡിജിറ്റല്‍ മാധ്യമങ്ങള്‍ ഏറ്റവും ജനകീയമാക്കുമെന്നാണ് ഇവൈ ഇന്ത്യ നടത്തിയ പഠനത്തില്‍ പറയുന്നത്. 
ഒരു ദിവസം രണ്ടര മണിക്കൂറാണ് ഇന്ത്യക്കാര്‍ പരമ്പരാഗത മാധ്യമങ്ങള്‍ ഉപയോഗപ്പെടുത്തുന്നത്. ഡിജിറ്റല്‍ മാധ്യമങ്ങളില്‍ ഇത് ഒരു മണിക്കൂറുമാണ്. 
നിലവില്‍ 8,490 കോടി രൂപയുള്ള ഡിജിറ്റല്‍ വിപണിയുടെ മൂല്യം മൂന്ന് വര്‍ഷത്തിനുള്ളില്‍ ഏകദേശം 20,000 കോടിയാകും. ഇവൈ റിപ്പോര്‍ട്ട് വ്യക്തമാക്കുന്നു.