ഉപയോക്താക്കള്‍ക്ക് പുതുവത്സര സമ്മാനമായി ആകര്‍ഷകമായ ഓഫര്‍ പ്രഖ്യാപിച്ച് ജിയോ. ജിയോ ഹാപ്പി ന്യൂ ഇയര്‍ ഓഫര്‍ അനുസരിച്ച് റീച്ചാര്‍ജ് ചെയ്യുന്നവര്‍ക്ക് 100 ശതമാനം ക്യാഷ്ബാക്കാണ് ജിയോയുടെ വാഗ്ദാനം. 399 രൂപയുടേതാണ് ഓഫര്‍. ഇതിന്  റീച്ചാര്‍ജ് ചെയ്യുന്ന ഉപയോക്താവിന് 399 രൂപയുടെ അജിയോ കൂപ്പണാണ് ലഭിക്കുക.

 നിലവിലുള്ള അജിയോ ഓഫറുകള്‍ സ്വന്തമാക്കുമ്പോള്‍ ഈ കൂപ്പണ്‍ ഉപയോഗിക്കാനാവും. മൈ ജിയോ ആപ്പിലെ മൈ കൂപ്പണ്‍ സെക്ഷനിലാണ് ഇത് കാണുക. 1000 രൂപയുടെ ബില്ലിലാണ് കൂപ്പണ്‍ ഉപയോഗിക്കാന്‍ സാധിക്കുക. ഓണ്‍ലൈന്‍ വഴി നടത്തുന്ന പര്‍ച്ചേസിനും കൂപ്പണ്‍ ഉപയോഗിക്കാം. ഇന്ന് മുതല്‍ ജനുവരി 31 വരെയാണ് ഓഫറിന്റെ കാലാവധി.