കേന്ദ്ര സർക്കാരിന്റെ കീഴിൽ പ്രവർത്തിക്കുന്ന ശാസ്ത്ര ഗവേഷണ സ്ഥാപനമായ സിഎസ്ഐആർ-എൻഐഐഎസ്ടി (CSIR NIIST) മൾട്ടി ടാസ്‌കിംഗ് സ്റ്റാഫ് തസ്തികയിൽ നിയമനം നടത്തുന്നു. തിരുവനന്തപുരത്തായിരിക്കും നിയമനം ലഭിക്കുക. പത്താം ക്ലാസ് യോഗ്യതയുള്ളവർക്ക് ഈ തസ്തികയ്ക്ക് അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി 2026 ജൂൺ 15.

യോഗ്യത

• പത്താം ക്ലാസ് അല്ലെങ്കിൽ തത്തുല്യ യോഗ്യതയുള്ളവർക്ക് ആണ് അവസരം.

• 12-ാം ക്ലാസ് യോഗ്യത ഉണ്ടെങ്കിൽ അധിക യോഗ്യതയായി പരിഗണിക്കും.

• അപേക്ഷകരുടെ പരമാവധി പ്രായം 25 വയസ് ആണ്.

• സർക്കാർ നിയമങ്ങൾ അനുസരിച്ച് പ്രായ പരിധിയിൽ ഇളവുകൾ ലഭിക്കും.

ശമ്പളം

• PML-01 പ്രകാരമുള്ള ശമ്പളമാണ് തെരഞ്ഞെടുക്കപ്പെടുന്നവർക്ക് ലഭിക്കുക.

• അടിസ്ഥാന ശമ്പളം 18,000 രൂപ. മറ്റ് അലവൻസുകൾ ചേർത്താൽ ഏകദേശം 30,000–34,000 രൂപ വരെ ശമ്പളം പ്രതീക്ഷിക്കാം.

ജോലിയുടെ സ്വഭാവം

ഡിപ്പാർട്ട്മെന്റൽ രേഖകൾ കൈകാര്യം ചെയ്യൽ, ഫയൽ ഡെലിവറി, ഓഫീസ് സഹായ പ്രവർത്തനങ്ങൾ, ഗസ്റ്റ് ഹൗസ്/കാന്റീൻ/ഗാർഡൻ മെയിന്റനൻസ്, വാഹന പരിപാലനം എന്നിവ ഉൾപ്പെടുന്നു.

കൂടുതൽ വിവരങ്ങൾക്കായി വിജ്ഞാപനം സന്ദർശിക്കുക.

https://www.niist.res.in/multitaskingstaff/advt_012026.pdf