സ്റ്റേറ്റ് ബാങ്ക് ഓഫ് ഇന്ത്യ (SBI) സ്പെഷ്യലിസ്റ്റ് കേഡർ ഓഫീസർ (SCO) തസ്തികയിൽ 207 ഒഴിവുകളിൽ നിയമനം നടത്തുന്നു. ബാങ്കിന്റെ വെൽത്ത് മാനേജ്‍മെന്റ് വിഭാഗത്തിലെ തസ്തികകളിൽ ആണ് ഒഴിവുകൾ. കേരളത്തിലും ഒഴിവുകളുണ്ട്. സോണൽ ഹെഡ്, റീജിയണൽ ഹെഡ് , റിലേഷൻഷിപ്പ് മാനേജർ–ടീം ലീഡ് തുടങ്ങിയ തസ്തികകളിലാണ് അവസരം. അപേക്ഷിക്കാനുള്ള അവസാന തീയതി ഒക്ടോബർ 05.

ഒഴിവുകൾ

• സോണൽ ഹെഡ് (റീട്ടെയിൽ) – 1

• റീജിയണൽ ഹെഡ് – 5

• റിലേഷൻഷിപ്പ് മാനേജർ–ടീം ലീഡ് – 24

• ഇൻവെസ്റ്റ്മെന്റ് സ്പെഷ്യലിസ്റ്റ് – 9

• ഇൻവെസ്റ്റ്മെന്റ് ഓഫീസർ – 4

• വിപി വെൽത്ത് – 91

• എവിപി വെൽത്ത് – 73

യോഗ്യത

തസ്തിക അനുസരിച്ച് യോഗ്യതയും പ്രവൃത്തിപരിചയവും വ്യത്യാസപ്പെടും. ഭൂരിഭാഗം തസ്തികകൾക്കും അംഗീകൃത സർവകലാശാലയിൽ നിന്നുള്ള ബിരുദമാണ് അടിസ്ഥാന യോഗ്യത. MBA, CFP, CFA, NISM തുടങ്ങിയ അധിക യോഗ്യതകൾ ചില തസ്തികകൾക്ക് അഭികാമ്യമാണ്.

പ്രവൃത്തിപരിചയം

തസ്തിക അനുസരിച്ച് 3 മുതൽ 15 വർഷം വരെ പ്രവൃത്തിപരിചയം ആവശ്യമാണ്. സോണൽ ഹെഡ് തസ്തികയ്ക്ക് 15 വർഷം വരെയും റീജിയണൽ ഹെഡ് തസ്തികയ്ക്ക് 12 വർഷവും റിലേഷന്ഷിപ്പ് മാനേജർ തസ്തികയ്ക്ക് 8 വർഷവും ഇൻവെസ്റ്റ്മെന്റ് സ്പെഷ്യലിസ്റ്റ് തസ്തികയ്ക്ക് 6 വർഷവും പരിചയം ആവശ്യമാണ്.

തിരഞ്ഞെടുപ്പ്

ആദ്യം അപേക്ഷകരെ ഷോർട്ട്ലിസ്റ്റ് ചെയ്യും. തുടർന്ന് അഭിമുഖത്തിലൂടെയാകും ഉദ്യോഗാർത്ഥികളെ തെരഞ്ഞെടുക്കുക. ഇന്റർവ്യൂവിന് 100 മാർക്കാണ്. ഇന്റർവ്യൂ മാർക്കിന്റെ അടിസ്ഥാനത്തിലാണ് മെറിറ്റ് പട്ടിക തയ്യാറാക്കുക. കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://sbi.bank.in/documents/77530/57941334/03092026_1_Advt+_Wealth+MGMT_04.09.2026.pdf/d2fd7bab-0791-b62b-61d3-8f46c2cb3ec6?t=1788439145915