കാലിക്കറ്റ് സർവകലാശാലയുടെ മഞ്ചേരി ടീച്ചർ എജ്യുക്കേഷൻ സെന്ററിലെ (സി.യു.ടി.ഇ.സി.) കരാറടിസ്ഥാനത്തിലുള്ള അസിസ്റ്റന്റ് പ്രൊഫസർ നിയമനത്തിന് ഓൺലൈനായി അപേക്ഷിച്ചവരിൽ യോഗ്യരായി കണ്ടെത്തിയവർക്കുള്ള അഭിമുഖം ഒക്ടോബർ 24-ന് സർവകലാശാലാ ഭരണകാര്യാലയത്തിൽ നടക്കും. കൂടുതൽ വിവരങ്ങൾ വെബ്‌സൈറ്റ് സന്ദർശിക്കുക.

വെറ്റിനറി സർജൻ

കാലിക്കറ്റ് സർവകലാശാലാ ലൈഫ് സയൻസ് പഠനവകുപ്പിൽ കരാറടിസ്ഥാനത്തിലുള്ള വെറ്റിനറി സർജൻ നിയമനത്തിന് വാക് - ഇൻ - ഇന്റർവ്യൂ ഒക്ടോബർ 30-ന് നടക്കും. യോഗ്യത : ബി.വി.എസ്.സി. ആന്റ് എ.എച്ച്., 1984-ലെ ഇന്ത്യൻ വെറ്റിനറി ആക്ട് പ്രകാരം കേരളാ സ്റ്റേറ്റ് വെറ്റിനറി കൗൺസിലിൽ രജിസ്‌ട്രേഷൻ. ഉയർന്ന പ്രായപരിധി : 45. താത്പര്യമുള്ളവർ അസൽ യോഗ്യതാ സർട്ടിഫിക്കറ്റുകൾ സഹിതം രാവിലെ 10.30-ന് സിൻഡിക്കേറ്റ് കോൺഫറൻസ് ഹാളിൽ ഹാജരാകണം.

ചെതലയം ഐ.ടി.എസ്.ആറിൽ അധ്യാപക നിയമനം

വയനാട് ചെതലയത്തുള്ള കാലിക്കറ്റ് സർവകലാശാലാ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആന്റ് റിസർച്ചിൽ (ഐ.ടി.എസ്.ആർ.) 2025 - 26 അധ്യയന വർഷത്തേക്ക് മണിക്കൂർ വേതനാടിസ്ഥാനത്തിൽ അസിസ്റ്റന്റ് പ്രൊഫസർ ( മാനേജ്മെന്റ് ) നിയമനത്തിന് പാനൽ തയ്യാറാക്കുന്നതിനുള്ള വാക് - ഇൻ - ഇന്റർവ്യൂ ഒക്ടോബർ 13-ന് രാവിലെ 10.30-ന് നടക്കും.

ഒരൊഴിവാണുള്ളത്. യോഗ്യത : നിർദിഷ്ട വിഷയത്തിൽ 55% മാർക്കോടെയുള്ള പി.ജി., നെറ്റ് / പി.എച്ച്.ഡി. താത്പര്യമുള്ളവർ മതിയായ രേഖകൾ സഹിതം ഒരു മണിക്കൂർ മുന്നേ സർവകലാശാലാ ഭരണകാര്യാലത്തിൽ അഭിമുഖത്തിന് ഹാജരാകണം. വിശദമായ വിജ്ഞാപനം വെബ്സൈറ്റിൽ https://www.uoc.ac.in/ .