ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ വിവോ തങ്ങളുടെ ആദ്യ അള്ട്രാ സ്മാര്ട്ട്ഫോണായ എക്സ്300 അള്ട്രാ, പുതിയ തലമുറ എഫ്ഇ ഡിവൈസ് ആയ എക്സ്300 എഫ്ഇ എന്നിവയുടെ ലോഞ്ച് തീയതി പ്രഖ്യാപിച്ചു. അടുത്ത മാസം ആദ്യവാരത്തില് പുറത്തിറങ്ങുന്ന ഈ രണ്ട് ഫോണുകളിലും മികച്ച കാമറകള്, മികച്ച പെര്ഫോമന്സ്, മികച്ച ബാറ്ററി ലൈഫ് എന്നിവ ഉണ്ടായിരിക്കുമെന്ന് കമ്പനി അവകാശപ്പെടുന്നു.
മെയ് 6ന് ഉച്ചയ്ക്ക് 12 മണിക്കാണ് ഇവ ലോഞ്ച് ചെയ്യുക. ഫ്ലിപ്കാര്ട്ട് (Flipkart), വിവോ ഇ-സ്റ്റോര്, മറ്റ് പ്രധാന ഇ-കൊമേഴ്സ് പ്ലാറ്റ്ഫോമുകള് എന്നിവ വഴി ഇവ ലഭ്യമാകും. കൂള് പേര്പ്പിള് (Cool Purple), ഗ്രാഫൈറ്റ് ബ്ലാക്ക് (Graphite Black), മൂണ്ലൈറ്റ് വൈറ്റ് (Moonlight White) എന്നീ മൂന്ന് നിറങ്ങളിലായിരിക്കും ഫോണുകള് എത്തുക.
വിവോ എക്സ്300 എഫ്ഇ:
ഡിസ്പ്ലേ: 6.31-ഇഞ്ച് FHD+ AMOLED, 120Hz റിഫ്രഷ് റേറ്റ്.
പ്രോസസ്സര്: സ്നാപ്ഡ്രാഗണ് 8 ജെന് 5 (Snapdragon 8 Gen 5).
മെമ്മറി: 12GB റാം, 512GB സ്റ്റോറേജ് വരെ.
ബാറ്ററി: 6,500 mAh, 90W ഫാസ്റ്റ് ചാര്ജിംഗ്.
കാമറ: 50MP പ്രൈമറി സെന്സര്, 50MP പെരിസ്കോപ്പ് സൂം ലെന്സ്, 8MP അള്ട്രാവൈഡ് സെന്സര് എന്നിവയടങ്ങുന്ന ട്രിപ്പിള് കാമറ. 50MP സെല്ഫി കാമറ.
സോഫ്റ്റ്വെയര്: ആന്ഡ്രോയിഡ് 16 (5 വര്ഷത്തെ ഒഎസ് അപ്ഡേറ്റുകളും 7 വര്ഷത്തെ സുരക്ഷാ അപ്ഡേറ്റുകളും).
വിവോ എക്സ്300 അള്ട്രാ:
ഡിസ്പ്ലേ: 6.82-ഇഞ്ച് QHD+ LTPO OLED, 144ഒ്വ റിഫ്രഷ് റേറ്റ്.
പ്രോസസ്സര്: സ്നാപ്ഡ്രാഗണ് 8 എലൈറ്റ് ജെന് 5 (Snapdragon 8 Elite Gen 5).
ബാറ്ററി: 6,600mAh, 100W വയര്ഡ് ചാര്ജിംഗ്, 40W വയര്ലെസ് ചാര്ജിംഗ്.
സുരക്ഷ: പൊടിയെയും വെള്ളത്തെയും പ്രതിരോധിക്കാന് IP68, IP69 റേറ്റിംഗുകള്.
കാമറ: 200MP മെയിന് സെന്സര്, ജിംബല് സ്റ്റെബിലൈസേഷനോട് കൂടിയ 200MP പെരിസ്കോപ്പ് ടെലിഫോട്ടോ ലെന്സ്, 50MP അള്ട്രാ വൈഡ് ലെന്സ്. 50MP ഫ്രണ്ട് കാമറ.
വിവോ എക്സ്300 എഫ്ഇയ്ക്ക് 60,000 രൂപയ്ക്കും 70,000 രൂപയ്ക്കും ഇടയിലാണ് വില വരിക. വിവോ എക്സ്300 അള്ട്രായുടെ അടിസ്ഥാന വേരിയന്റിന് ഏകദേശം 1,29,999 രൂപയാണ് വില പ്രതീക്ഷിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates