ആരോഗ്യത്തിന് വളരെയധികം ഭീതിപടര്‍ത്തുന്ന ഒന്നായി മാറിക്കഴിഞ്ഞു സമ്മര്‍ദ്ദം. ശാരീരികവും മാനസികവുമായ പല പ്രശ്‌നങ്ങളും ഇതുമൂലം സംഭവിക്കും. ശരീരഭാരം ക്രമപ്പെടുത്താന്‍ ആരോഗ്യകരമായ ഭക്ഷണശീലങ്ങള്‍ പിന്തുടരുമ്പോള്‍ നിങ്ങളുടെ ഉള്ളിലെ സമ്മര്‍ദ്ദത്തെ അവഗണിക്കരുത്. സമ്മര്‍ദ്ദം മൂലം അമിതമായി ഭക്ഷണം കഴിക്കുന്നത് ലക്ഷണങ്ങളില്‍ ഒന്നാണ്.
എന്താണ് സ്‌ട്രെസ് ഈറ്റിങ്?
ഭക്ഷണം കഴിക്കുന്നത് വികാരങ്ങളെ നേരിടാനുള്ള ഒരു മാര്‍ഗ്ഗമായി മാറുമ്പോഴാണ് സ്‌ട്രെസ് ഈറ്റിങ് സംഭവിക്കുന്നത്. മധുരവും കാര്‍ബോഹൈഡ്രേറ്റും അടങ്ങിയ വിഭവങ്ങളാണ് ഈ സമയം പലരും തെരഞ്ഞെടുക്കുന്നത്. അല്‍പസമയത്തേക്ക് ആശ്വാസം തരുമെന്നതുകൊണ്ടാണ് ഇങ്ങനെ ചെയ്യുന്നത്. പക്ഷെ ഇത് നിങ്ങളുടെ ശീലമായി മാറിയാല്‍ അത് ആരോഗ്യത്തെയും മാനസികനിലയെയുമൊക്കെ ബാധിക്കും. അമിതമായി ഭക്ഷണം കഴിക്കുന്നതിലേക്കും ഉദര സംബന്ധമായ പ്രശ്‌നങ്ങളിലേക്കും ഇത് നയിക്കും.
സമ്മര്‍ദ്ദം മൂലം ഭക്ഷണം കഴിക്കുമ്പോള്‍ ഇവ തെരഞ്ഞെടുക്കാം
കപ്പലണ്ടി (നിലക്കടല) - വൈറ്റമിന്‍ ബി6, മഗ്നേഷ്യം എന്നിവ കപ്പലണ്ടിയില്‍ അടങ്ങിയിട്ടുണ്ട്. സ്‌ട്രെസ് ഈറ്റിങ്ങിനൊപ്പം വയറ് കമ്പിച്ചപോലെ തോന്നുന്നത് നിയന്ത്രിക്കാന്‍ ഇത് നല്ലതാണ്. വൈകുന്നേരം കഴിക്കുന്നതാണ് അഭികാമ്യം.
കശുവണ്ടി - എപ്പോഴും വീട്ടില്‍ സ്‌റ്റോക്ക് ചെയ്തുവയ്‌ക്കേണ്ട ഒന്നാണ് കശുവണ്ടി. പുറത്തുപോകുമ്പോള്‍ അല്‍പമെടുത്ത് ബാഗിലുമിടാം. ഇരുമ്പും മഗ്നീഷ്യവും ധാരാളം അടങ്ങിയിട്ടുള്ള കശുവണ്ടി മന്ദതയോ ക്ഷീണമോ തോന്നുമ്പോള്‍ കഴിക്കാം. ഉറങ്ങുന്നതിന് മുമ്പ് പാലിനൊപ്പം കശുവണ്ടി കഴിക്കുന്നത് നല്ലതാണെന്ന് വിദഗ്ധര്‍ പറഞ്ഞു.
കൊപ്ര - ഉണങ്ങിയ തേങ്ങ കഴിക്കുന്നത് സംതൃപ്തി നല്‍കുകയും സമ്മര്‍ദ്ദം നിയന്ത്രിക്കാന്‍ നിങ്ങളെ സഹായിക്കുകയും ചെയ്യും. ചമ്മന്തിയായോ ശര്‍ക്കരയ്‌ക്കൊപ്പം ചേര്‍ത്തോ ഇത് കഴിക്കാം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates