ഒരു കപ്പ് ചൂട് ചായ കിട്ടിയാല്‍ ദിവസം മുഴുവന്‍ ഉന്മേഷത്തോടെയിരിക്കാന്‍ അതുമതി. ഗ്രീന്‍ ടീ, മസാല ചായ, ഇഞ്ചി ചായ തുടങ്ങി ഹെര്‍ബല്‍ വെറൈറ്റികളാണ് ഇക്കാര്യത്തില്‍ മുന്നില്‍. ഏറെ ആരോഗ്യഗുണങ്ങളുള്ള ഈ ചായകള്‍ ചര്‍മ്മത്തിനും നല്ലതാണ്. നടി റോഷിനി ചോപ്ര പങ്കുവച്ച പെരുംജീരക ചായ തിളങ്ങുന്ന ചര്‍മ്മത്തിന് ഉത്തമമാണ്. ഇത് 10 ദിവസം തുടര്‍ച്ചയായി കുടിച്ചാല്‍ മാറ്റം കാണാമെന്നാണ് റോഷിനി പറയുന്നത്. 

തയ്യാറാക്കുന്ന വിധം

വെള്ളം- 500എംഎല്‍
മിന്റ് - 10 ഇതളുകള്‍
ഗ്രാമ്പൂ - 2
ഏലക്ക - 2
പെരുംജീരകം - 1 ടേബിള്‍സ്പൂണ്‍

വെള്ളം ചൂടാക്കി ചേരുവകളെല്ലാം അതിലേക്ക് ഇട്ട് തിളപ്പിക്കണം. മൂന്ന് നാല് മിനിറ്റി തിളപ്പിച്ചശേഷം ചായ അരിച്ചെടുക്കാം. 

ദഹനം സുഗമമാക്കാന്‍ സഹായിക്കുന്ന ഈ ചായ ഗ്യാസ്, വയറുവേദന തുടങ്ങിയ പ്രശ്‌നങ്ങളെ ചെറുക്കാനും നല്ലതാണ്. ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്കും പെരുജീരക ചായ ശീലമാക്കാം.

ഈ വാർത്ത കൂടി വായിക്കൂ

ദിവസവും ഒരു പിടി ബദാം; കാന്‍സറും ഹൃദ്രോഗവും മൂലമുള്ള മരണസാധ്യത കുറയ്ക്കും  

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ