കോട്ടയം: അപ്പന്ഡിക്സ് പോളിപ്പ് ചികിത്സയില് മുന്നേറ്റവുമായി കോട്ടയം തെള്ളകം കാരിത്താസ് ആശുപത്രി. ശസ്ത്രക്രിയയില്ലാതെ അപ്പന്ഡിക്സ് പോളിപ്പ് നീക്കി രോഗിക്ക് ആശ്വാസം പകരാന് കഴിയുമെന്നാണ് കാരിത്താസ് ആശുപത്രി തെളിയിച്ചിരിക്കുന്നത്. എന്ഡോസ്കോപ്പിക് സബ് മ്യൂകോസല് ഡിസെക്ഷന് (ഇഎസ്ഡി) എന്ന അഡ്വാന്സ് ടിഷ്യു റിസക്ഷന് രീതി ഉപയോഗിച്ചാണ് 71 വയസുകാരനായ രോഗിയുടെ അപൂര്വ അപ്പന്ഡിക്സ് പോളിപ്പ് നീക്കിയത്.
അപ്പന്ഡിക്സ് ദ്വാരത്തോടു ചേര്ന്നുള്ള പൊളിപ്പുകള് കണ്ടെത്തുമ്പോള്, അപ്പന്ഡിക്സ് സഹിതം കോളന്റെ ഒരു ഭാഗം ശസ്ത്രക്രിയ വഴി നീക്കുകയാണ് പതിവ് രീതിയില് നിന്നും വ്യത്യസ്ഥമാണ് ഈ രീതി. ജപ്പാനിലെ ടോക്കിയോയില് ദീര്ഘകാല അഡ്വാന്സ്ഡ് ക്ലിനിക്കില് പരിശീലനം നേടിയ ഡോ. ദീപക് മധുവിന്റെ പങ്കാളിത്തത്തോടെയായിരുന്ന ചികിത്സ.
ചികിത്സ പൂര്ത്തിയാക്കിയതിന് പിന്നാലെ അടുത്ത ദിവസം തന്നെ ഭക്ഷണം കഴിക്കാനും സാധാരണ ജീവിതത്തിലേയ്ക്കു മടങ്ങാനും രോഗിക്ക് കഴിഞ്ഞു. വേഗത്തിലുള്ള ഫലപ്രാപ്തിയാണ് ആധുനിക ചികിത്സാരീതിയുടെ പ്രത്യേകത എന്നും അധികൃതര് അറിയിച്ചു. കാരിത്താസ് ആശുപത്രിയ്ക്ക് രോഗികളോടുള്ള പ്രതിബന്ധതയാണ് ചികിത്സാ വിജയം എന്ന് ആശുപത്രി ഡയറക്ടര് ഫാ. ഡോ. ബിനു കുന്നത്ത് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates