ബദാം മിൽക്ക് 
Health

വിന്‍റര്‍ ഡയറ്റിൽ ഉൾപ്പെടുത്താം നല്ല ചൂട് ബദാം മിൽക്ക്; എളുപ്പം തയ്യാറാക്കാം

നാരുകള്‍, പ്രോട്ടീന്‍, ആരോഗ്യകരമായ കൊഴുപ്പുകള്‍ തുടങ്ങിയ നിരവധി പോഷകങ്ങൾ അടങ്ങിയതാണ് ബദാം മില്‍ക്ക്.

Author : സമകാലിക മലയാളം ഡെസ്ക്

തണുപ്പുകാലം തുടങ്ങിയതോടെ ഭക്ഷണ ശീലത്തിലും ആവശ്യമായ മാറ്റങ്ങള്‍ വരുത്തേണ്ടതുണ്ട്. സ്മൂത്തിയെയും തണുത്ത ജ്യൂസിനെയും തള്ളി മാറ്റി മാസാല ചായയും സൂപ്പുമൊക്കെ ഡയറ്റിൽ ഇടം പിടിക്കും. അങ്ങനെ ഈ മഞ്ഞകാലത്ത് ആസ്വദിച്ചു കുടിക്കാവുന്ന ഒന്നാണ് ബദാം മിൽക്ക്. രുചിയിലും ആരോ​ഗ്യ​ഗുണത്തിലും ബദാം മിൽക്ക് പൊളിയാണ്.

നാരുകള്‍, പ്രോട്ടീന്‍, ആരോഗ്യകരമായ കൊഴുപ്പുകള്‍ തുടങ്ങിയ നിരവധി പോഷകങ്ങൾ അടങ്ങിയതാണ് ബദാം മില്‍ക്ക്. ജലദോഷം, പനി പോലുള്ള സീസണൽ രോ​ഗങ്ങൾക്കെതിരെ പ്രതിരോധശേഷി വർധിപ്പിക്കാൻ സഹായിക്കുന്ന അവശ്യ വിറ്റാമിനുകളും ധാതുക്കളും ബദാമില്‍ അടങ്ങിയിട്ടുണ്ട്. കൂടാതെ അസ്ഥികളുടെ ആരോ​ഗ്യത്തെ മെച്ചപ്പെട്ടുത്താൻ ഇതിൽ അടങ്ങിയ പാൽ സഹായിക്കും.

ബദാം മില്‍ക്കില്‍ ശര്‍ക്കരയും അടങ്ങിയിട്ടുണ്ട്. ഇത് അയണും മിനറല്‍സും പ്രദാനം ചെയ്യുന്നതിനാല്‍ ഊര്‍ജ്ജം നേടാനും സമ്മര്‍ദ്ദം അകറ്റാനും സഹായിക്കും. ഇത് ശ്വാസകോശത്തിന്റെ ആരോഗ്യത്തിനും നല്ലതാണ്.

ബദാം മില്‍ക്ക് എങ്ങനെ ഉണ്ടാക്കാമെന്ന് നോക്കാം

ചേരുവകള്‍;

ഒരു ഗ്ലാസ് പാല്

കുങ്കുമപ്പൂവിന്റെ രണ്ട് നാര്

10 ബദാം പൊടിച്ചത്.

ശര്‍ക്കര ആവശ്യത്തിന്

തയ്യാറാക്കുന്ന വിധം

പാല് തിളപ്പിച്ച് കുങ്കുമപ്പൂവ് ചേര്‍ക്കുക. പൊടിച്ച ബദാം ചേര്‍ത്ത് കുറച്ചുനേരം തിളപ്പിക്കുക. തീ കുറച്ചതിന് ശേഷം ശര്‍ക്കര ചേര്‍ക്കാം. എല്ലാം നന്നായി ചേര്‍ത്തിളക്കി ചെറുചൂടോടെ കുടിക്കാം.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

543 സീറ്റുകള്‍ മതിയോ, 850 ആക്കണോ? മണ്ഡല പുനര്‍നിര്‍ണയത്തിന് ബിജെപിയുടെ 'ത്രിദിന പദ്ധതി', നാല് ആവശ്യങ്ങളുമായി പ്രതിപക്ഷം

ഇടുക്കിയില്‍ പുരയിടത്തില്‍ നവജാത ശിശുവിന്റെ മൃതദേഹം; മൂന്ന് ദിവസം പ്രായമുള്ള ആണ്‍കുഞ്ഞ്

'നേപ്പാളുമായുള്ള സൗഹൃദത്തെ ഇന്ത്യ വില മതിക്കുന്നു'; കേന്ദ്രമന്ത്രി ജയ്ശങ്കറുമായി കൂടിക്കാഴ്ച നടത്തി ബാലേന്ദ്ര ഷാ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു