ശരീരത്തിന്റെ ആരോ​ഗ്യവും മനഃസമാധാനവുമൊക്കെ പരസ്പരം ബന്ധപ്പെട്ട് കിടക്കുന്നതാണ്. അതുകൊണ്ടാണ് സമ്മർദ്ദം കൂടുമ്പോഴും ടെൻഷനടിക്കുമ്പോഴുമൊക്കെ ശരീരത്തിൽ അസ്വസ്ഥതകളുണ്ടാകുന്നത്. പരീക്ഷയ്ക്ക് പോകുന്നതിന് മുമ്പും ഇന്റർവ്യൂവിന് പോകുമ്പോഴുമൊക്കെ വയറ് പണി തരുന്നത് പലർക്കും അനുഭവമുള്ളതുമാണ്. ഇതുകൊണ്ട് വയറിന്റെ അനാരോ​ഗ്യത്തെക്കുറിച്ച് ശരീരം നൽകുന്ന സൂചനകൾ അറിഞ്ഞിരിക്കണം. ഇത് വയറിന്റെ ആരോ​ഗ്യത്തിനും അതുവഴി ആരോഗ്യകരമായ ജീവിതത്തിനും അത്യാവശ്യമാണ്. 

വയറിന്റെ ആരോഗ്യത്തെ കുഴപ്പത്തിലാക്കുന്ന ചില സൂചനകൾ

അസിഡിറ്റി - അസിഡിറ്റി, ഗ്യാസ്, വയർ കമ്പനം, വയർ എരിച്ചിൽ എന്നീ ലക്ഷണങ്ങളൊക്കെ വയറിന്റെ ആരോ​ഗ്യം മോശമാണെന്നതിന്റെ സൂചനകളാണ്. 

ഓട്ടോ ഇമ്മ്യൂൺ രോഗങ്ങൾ - ടൈപ്പ് 1 പ്രമേഹം, റുമാറ്റോയ്ഡ് ആർത്രൈറ്റിസ്, സോറിയായിസ് എന്നിങ്ങനെയുള്ള ഓട്ടോ ഇമ്മ്യൂൺ രോഗങ്ങൾക്ക് നമ്മുടെ മോശം ഭക്ഷണശീലങ്ങളും വയറിലുണ്ടാകുന്ന നീർക്കെട്ടും കാരണമായേക്കാം.

പ്രതിരോധശേഷി കുറവ് - വയറിലാണ് നമ്മുടെ പ്രതിരോധ കോശങ്ങളിൽ 70 ശതമാനവും സ്ഥിതി ചെയ്യുന്നത്. അതുകൊണ്ടുതന്നെ ശക്തമായ പ്രതിരോധ സംവിധാനം വേണമെങ്കിൽ ആരോ​ഗ്യമുള്ള വയറ് അനിവാര്യമാണ്.

ശരീരഭാരം കുറയില്ല - എത്ര പരിശ്രമിച്ചിട്ടും ശരീരഭാരം കുറയുന്നില്ലെങ്കിൽ വയറിൻറെ ആരോഗ്യത്തെ സംശയിക്കണം. വയറിൻറെ ആരോഗ്യവും ചയാപചയ സംവിധാനവും മികച്ചതാണെങ്കിലേ ഭാരം കുറയ്ക്കൽ പ്രക്രിയ വിജയിക്കൂ. 

അമിത മധുരാസക്തി - മധുരത്തോട് അമിതമായ ആസക്തി തോന്നുന്നതും വയറ് തകരാറിലാണെന്നതിന്റെ സൂചനയാണ്. ഇത് പലരും അവ​ഗണിക്കുന്ന ലക്ഷണങ്ങളിലൊന്നാണ്, ചിലരാണെങ്കിൽ ഇത് പ്രമേഹം ഉള്ളതുകൊണ്ടാണെന്ന് തെറ്റിദ്ധരിക്കാറുമുണ്ട്. 

ഉത്കണ്ഠ - വയറും തലച്ചോറും തമ്മിൽ ബന്ധമുണ്ട്, വയറിനെ രണ്ടാം തലച്ചോർ എന്നും വിളിക്കാറുണ്ട്. മാനസികാവസ്ഥ മെച്ചപ്പെടുത്താൻ സഹായിക്കുന്ന ഫീൽ ഗുഡ് ഹോർമോണായ സെറോട്ടോണിൻ ഉത്പാദിപ്പിക്കപ്പെടുന്നത് വയറിലാണ്. അതുകൊണ്ട് മാനസികാരോഗ്യ പ്രശ്നങ്ങൾ, ഉത്കണ്ഠ, മൂഡ് സ്വിങ്സ് എന്നിവ പരിഹരിക്കാൻ വയറിന്റെ ആരോ​ഗ്യവും ശ്രദ്ധിക്കണം. 

ഈ വാര്‍ത്ത കൂടി വായിക്കൂ 

സോഫ്റ്റ് ഡ്രിങ്ക് ശീലം ഉപേക്ഷിക്കണോ? അസ്പാർട്ടേം അർബുദകാരിയോ; ഡബ്ലൂഎച്ച്ഒ പറയുന്ന സുരക്ഷിത അളവെത്ര 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ