ഭക്ഷണം കഴിക്കാൻ സമയക്രമം പാലിക്കണമെന്നാണെങ്കിലും പല‍‍ർക്കും അത് സാധിക്കണമെന്നില്ല. ഉച്ചഭക്ഷണം വൈകുന്നേരം മൂന്നു മണിക്കും നാല് മണിക്കും പതിവായി കഴിക്കുന്നവരാണോ? എങ്കിൽ ആരോ​ഗ്യത്തിന് അത് അത്ര സുരക്ഷിതമാകണമെന്നില്ല. ഈ ശീലം ശരീരത്തിലെ മെറ്റബോളിസം മന്ദ​ഗതിയിലാക്കാനും രക്തത്തിലെ പഞ്ചസാരയുടെ അളവിൽ ഏറ്റക്കുറച്ചിലുകൾ ഉണ്ടാകാനും കാരണമാകുന്നു. ഇത് ടൈപ്പ് 2 പ്രമേഹത്തിനുള്ള സാധ്യത വർധിപ്പിക്കുന്നു.

ഭക്ഷണക്രമത്തിനിടയിലെ ദൈർഘ്യം നീളുമ്പോൾ വയറ്റിൽ ആസിഡ് ഉൽപ്പാദനം വർധിക്കുകയും, ഇത് നെഞ്ചെരിച്ചിൽ, ​ഗ്യാസ്, അസിഡിറ്റി, എന്നിവയ്ക്ക് കാരണമാവുകയും ചെയ്യുന്നു. മാത്രമല്ല, അമിതമായി ഭക്ഷണം കഴിക്കുന്നതിലേക്ക് ഇത് നയിക്കുകയും ചെയ്യുന്നു. ഭക്ഷണം വൈകി കഴിക്കുന്നതു മൂലമുണ്ടാകുന്ന കഠിന വിശപ്പ് മസ്തിഷ്കത്തിന്റെ പ്രവർത്തനത്തെയും ഏകാ​ഗ്രതയെയും ബാധിക്കുന്നു.

ഉച്ചഭക്ഷണം കഴിക്കാൻ ഏറ്റവും നല്ല സമയം ഉച്ചയ്ക്ക് 12.30 നും 1.30നും ഇടയിലാണ്. പ്രഭാതഭക്ഷണത്തിനും ഉച്ചഭക്ഷണത്തിനുമിടയിൽ ഏകദേശം 4-5 മണിക്കൂർ ഇടവേള മാത്രമേ ഉണ്ടാകാവൂ. ഉച്ചയ്ക്ക് 3 മണിയ്ക്ക് ശേഷമുള്ള ഭക്ഷണം നിങ്ങളുടെ ഉറക്കത്തെയും രാത്രിയിലെ ദഹനത്തെയും ഒരുപോലെ ബാധിക്കും. ആരോ​ഗ്യം മെച്ചപ്പെടുത്തണമെങ്കിലും മെറ്റബോളിസം നിയന്ത്രിക്കേണ്ടതുണ്ട്. വൈകി ഭക്ഷണം കഴിക്കുന്നത് മെറ്റബോളിസത്തെ മന്ദ​ഗതിയിലാക്കും.